ឯកឧត្តម ហេង វណ្ណនី អភិបាលរងខេត្ត បានអញ្ជើញចូលរួមជាអធិបតីក្នុងកិច្ចប្រជុំពិភាក្សាលើបញ្ហាប្រឈមនានាពាក់ព័ន្ធនឹងយុទ្ធនាការដោះស្រាយសំណុំរឿងដែលកកស្ទះនៅសាលាដំបូងខេត្ត


: 2020-07-14 20:11:03

នៅព្រឹកថ្ងៃទី១៤ ខែកក្តដា ឆ្នាំ២០២០នេះ នៅសាលប្រជុំសាលដំបូងខេត្តកំពង់ចាម ឯកឧត្តម ហេង វណ្ណនី អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ឯកឧត្តម មាស សារឿន អនុរដ្ឋលេខាធិការក្រសួងយុត្តិធម៌ និង ឯកឧត្តម ខាន់ វណ្ណៈ អគ្គាធិការនៃអគ្គាធិការដ្ឋានកិច្ចការតុលាការ ក្រសួងយុត្តិធម៌ បានអញ្ជើញចូលរួមជាអធិបតីក្នុងកិច្ចប្រជុំពិភាក្សាលើបញ្ហាប្រឈមនានាពាក់ព័ន្ធនឹងយុទ្ធនាការដោះស្រាយសំណុំរឿងដែលកកស្ទះនៅសាលាដំបូងខេត្ត និងអយ្យការអមសាលាដំបូងខេត្តកំពង់ចាម ដោយមានការអញ្ជើញចូលរួមពីលោកប្រធានសាលាដំបូងខេត្ត ព្រះរាជអាជ្ញាអមអយ្យការសាលាដំបូងខេត្ត តំណាងស្នងការដ្ឋាននគរបាលខេត្ត កងរាជអាវុធហត្ថខេត្ត ថ្នាក់ដឹកនាំមន្ទីរ-អង្គភាពពាក់ព័ន្ធ និងមន្ត្រីជំនាញមួយចំនួនទៀត។

អង្គប្រជុំបានផ្តោតសំខាន់លើ៖

-បញ្ហាអនុវត្តដីកា

-ការបញ្ជូនដីកា

-ការធ្វើកោសល្យវិច្ច័យ

-ការទំនាក់ទំនងរកមេធាវី

-ការចេញសាលក្រម និងសាលដីកា

-ការលើកពេលសវនាការដែលត្រូវគ្រប់អង្គភាពបន្តសហការអនុវត្តឲ្យកាន់តែល្អថែមទៀត។

បន្ទាប់ពីកិច្ចប្រជុំ ប្រតិភូបានចុះពិនិត្យស្ថានភាពជាក់ស្តែងនៅពន្ធនាគារខេត្តកំពង់ចាម និងបានជម្រុញឲ្យព្រះរាជអាជ្ញា ចុះពិនិត្យ និងធ្វើកំណត់ហេតុជនជាប់ឃុំយ៉ាងហោច១ខែម្តង។


អត្ថបទ ៖ អាន ដែត