ស្រុកចំការលើ៖ នាព្រឹកថ្ងៃទី២៣ ខែកញ្ញា ឆ្នាំ២០២៤ ឯកឧត្តម ខ្លូត ចិន្តា ប្រធានក្រុមការងាររាជរដ្ឋាភិបាលចុះមូលដ្ឋានឃុំស្វាយទាប ស្រុកចំការលើ និងលោកស្រីអភិបាលរងស្រុក បានអញ្ជើញចុះធ្វើការផ្សព្វផ្សាយគោលនយោបាយ ភូមិ-ឃុំសង្កាត់ មានសុវត្ថិភាព និងការបើកវេទិការសាធារណៈជាមួយពុកម៉ែ មាមីង បងប្អូន ប្រជាពលរដ្ឋ នៅភូមិស្រែព្រាល ឃុំស្វាយទាប ស្រុកចំការលើ ខេត្តកំពង់ចាម ។ ដោយមានការចូលរួមពីក្រុមការងារចុះជួយឃុំ រដ្ឋបាលស្រុក អង្គភាពពាក់ព័ន្ធ រដ្ឋបាលឃុំ អាជ្ញាធរភូមិ និងប្រជាពលរដ្ឋសរុបចំនួន៩៨នាក់ស្រី៦៥នាក់ ក្នុងនោះ ឯកឧត្តម បានជូនទឹកបរិសុទ្ទ០១ដប និងនំបុង័០១ដើម ដល់អ្នកចូលរួមផងដែរ ។ ឆ្លៀតក្នុងឱកាសនេះឯកឧត្តម បានជម្រាបជូន យាយាតា ពុកម៉ែ មាមីង បងប្អូន ពីសមិទ្ធផលនានា ដែលចេញពីស្មាដៃរបស់ក្រុមការងារចុះមូលដ្ឋានស្រុកចំការលើ និងឃុំស្វាយទាប ពិសេសផ្តោតសំខានទៅលើការពារសុខសន្តិភាព ដែលបានមកដោយលំបាក និងការបន្តថែរក្សារបស់ប្រមុខរាជរដ្ឋាភិបាល នីតិកាលទី៧ នៃរដ្ឋសភា ។

កំពង់ចាម, នាព្រឹកថ្ងៃថ្ងៃចន្ទ ៦រោច ខែភទ្របទ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែកញ្ញា ឆ្នាំ២០២៤ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា បានអញ្ជើញដឹកនាំកិច្ចប្រជុំពិនិត្យសេចក្តីព្រាងផែនការរៀបចំដែនដី ខេត្តកំពង់ចាម ដើម្បីសម្រេចដាក់ឱ្យប្រើប្រាស់ជាផ្លូវការនៅថ្នាក់ជាតិ ដែលកិច្ចប្រជុំធ្វើឡើងនៅសាលាខេត្តកំពង់ចាម។ ក្នុងកិច្ចប្រជុំនោះដែរ ឯកឧត្តមអភិបាលខេត្ត បានណែនាំដល់រដ្ឋបាលក្រុង ស្រុក និងមន្ទីរអង្គភាពពាក់ព័ន្ធទាំងអស់ ត្រូវជុំរុញមន្ត្រីភូមិបាលឱ្យពន្លឿនការចុះបញ្ជីដីធ្លី ធ្វើយ៉ាង ណាត្រូវបន្តការបង្កើនល្បឿននៃការវាស់វែងដីធ្លីជូនប្រជាពលរដ្ឋ ឱ្យបានសម្រេចតាមផែនការ ចំពោះសំណង់គ្មានច្បាប់អនុញ្ញាត គឺត្រូវទប់ស្កាត់ ដោយផ្អាកការសាងសង់ ហើយត្រូវធ្វើការ ណែនាំឱ្យម្ចាស់សំណង់នោះទៅសុំច្បាប់ ក្រៅពីនោះសំណង់សាងសង់លើចំណីផ្លូវ គឺត្រូវទប់ ស្កាត់ឱ្យបានទាន់ពេលវេលា ពោលគឺមិនត្រូវអនុញ្ញាតឱ្យធ្វើការសាងសង់បានឡើយ ព្រោះប៉ះ ពាល់ដល់សណ្តាប់ធ្នាប់សាធារណៈ ។

ស្រុកបាធាយ៖ នាព្រឹកទី ២៣ ខែកញ្ញា ឆ្នាំ២០២៤ ឯកឧត្ដម ស្រី សុភ័ក្ដ្រ អភិបាលរងខេត្ត តំណាងដ៏ខ្ពង់ខ្ពស់ ឯកឧត្ដម អ៊ុន ចាន់ដា អភិបាល នៃ គណៈអភិបាលខេត្ដកំពង់ចាម បានអញ្ជេីញជាអធិតីបក្នុងពិធីបេីកវគ្គបណ្តុះបណ្តាលច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម និងនិតិវិធីចុះបញ្ជី អត្រានុកូលដ្ឋានស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្ដសញ្ញាណកម្មនៅស្រុកបាធាយ ពិធីនេះធ្វេីឡេីងនៅសាលាស្រុកបាធាយ ខេត្តកំពង់ចាម ។

ស្រុកបាធាយ÷នាព្រឹកថ្ងៃទី១៩ ខែកញ្ញា ឆ្នាំ២០២៤ លោក អូត ឈាងលី អភិបាល នៃគណៈអភិបាលស្រុកបាធាយ  និងលោក ចេង រ័ត្ន ប្រធានក្រុមប្រឹក្សាស្រុកបាធាយ បានដឹកនាំមន្ត្រីរាជការ និងកងកម្លាំងទាំង៣ ចូលរួមកាន់បិណ្ឌចវេនទី២ នៅវត្តបុទុមតារាម ហៅវត្តទួលចាន់ ស្ថិតនៅភូមិទួលចាន់ ឃុំច្បារអំពៅ ស្រុកបាធាយ ខេត្តកំពង់ចាម ក្នុងនោះផងដែរបានប្រគេនបច្ច័យសម្រាប់កសាងនូវសមិទ្ធផលក្នុងទីអារាមវត្ត ថវិកាចំនួន១,០០០,០០០រៀល ប្រគេនបច្ច័យបួនព្រះសង្ឃ ថវិកា២៣០,០០០រៀល ជូនចច្ច័យលោកអាចារ្យ គណៈកម្មការវត្ត ថវិកា៧ម៉ឹនរៀល  និងឧបត្ថម្ភថវិកា កម្លាំងការពារថវិកា ចំនួន១០ម៉ឺនរៀល  សរុបថវិកា ១,៤០០,០០០រៀល។

កំពង់ចាម, នាព្រឹក ថ្ងៃទី ១៩ ខែកញ្ញា ឆ្នាំ ២០២៤ លោក សុខ លឹមហៀង ប្រធានមន្ទីរសាធារណការ និងដឹកជញ្ជូនខេត្តកំពង់ចាម រួមនឹងសហការី អញ្ជើញចុះពិនិត្យការសាងសង់ ទីតាំងស្ថានីយជញ្ជីងថ្លឹងរថយន្តថ្មី មួយទៀតនៅក្នុងភូមិសាស្ត្រស្រុកស្ទឹងត្រង់។

កំពង់ចាម,នាព្រឹកថ្ងៃទី១៩​ ខែកញ្ញា​ ឆ្នាំ២០២៤ កិច្ចប្រជុំសាមញ្ញលេីកទី៧​ របស់គណៈកម្មាធិការកិច្ចការស្ត្រី​ និងកុមារក្រុងកំពង់ចាម​ ប្រចាំខែកញ្ញា​ ឆ្នាំ២០២៤ ក្រោមការដឹកនាំកិច្ចប្រជុំដោយ​លោកស្រី​ ជា​ វិជ្ជនី​ ប្រធានគណៈកម្មាធិការ​ និងលោកស្រី​ រិន​ ធារ៉ា​ អភិបាលរង​ និងជាអនុប្រធានគណៈកម្មាធការ​ ។ ដោយមានការចូលរួមពីលោក​ លោកស្រី​ អនុប្រធាន​ សមាជិក​ សមាជិកា​ នៃគណៈកម្មាធិការ​ និងលោក​ លោកស្រី​ ប្រធាន​ គ​ ក​ សក​ សង្កាត់ទាំងបួន​ ស្ថិតនៅសាលប្រជុំ​ សាលាក្រុងកំពង់ចាម។

អភិបាលខេត្តកំពង់ចាម ដឹកនាំមន្ត្រីរាជការ កាន់បិណ្ឌវេនទី២ នៅវត្តជ័យគីរី (ភ្នំហាន់ជ័យ) និងវត្តសន្ធររង្សី​ (ខ្ពបតាងួន) កំពង់ចាម.នាព្រឹកថ្ងៃព្រហស្បតិ៍ ២រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែកញ្ញា ឆ្នាំ២០២៤ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំមន្ត្រីរាជការ អញ្ជើញចូលរួមរាប់បាត្រក្នុងពិធីបុណ្យកាន់បិណ្ឌវេនទី២ នៅវត្តជ័យគីរី ហៅវត្តភ្នំហាន់ជ័យ ស្ថិតក្នុងឃុំហាន់ជ័យ ស្រុកកំពង់សៀម និងវត្តសន្ធររង្សី ហៅវត្តខ្ពបតាងួន ស្ថិតក្នុងឃុំខ្ទបតាងួន ស្រុកស្ទឹងត្រង់ ។ ក្នុងឱកាសនោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម និងសហការី អញ្ជើញអុចទៀនធូប បូជាផ្កាភ្ញី ដល់ព្រះពុទ្ធបដិមា និងចូលរួមឧទ្ទិស សូមឲ្យដួងវិញ្ញាណក្ខន្ធ បុព្វការីជន ដែលបានយោនយកកំណើត កើតនៅក្នុងទីឋាន ដ៏ខ្ពង់ខ្ពស់ សូមងាកបែក្រោយឲ្យពរជ័យដល់កូន ចៅ បានសេចក្តីសុខ សេចក្តីចម្រើន ជាពិសេស សូមឲ្យបារមីស័ក្ដិសិទ្ធិ នៅក្នុងលោកក៏ដូចជា […]

ស្រុកចំការលើ៖ នៅថ្ងៃទី១៩ ខែកញ្ញា ឆ្នាំ២០២៤ នេះ ឯកឧត្តម ខ្លូត ចិន្តា អភិបាលរងនៃគណៈអភិបាលខេត្តកំពង់ចាម និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំស្វាយទាប ស្រុកចំការលេី ព្រមទាំងលោក ប៊ិន ជីវន្តមុនីរ: អភិបាលស្តីទីនៃគណ:អភិបាលស្រុកចំការលើ បានអញ្ជើញចុះផ្សព្វផ្សាយគោលនយោបាយភូមិ-ឃុំ-មានសុវត្ថិភាព និងការបើកវេទិការសាធារណ: នៅភូមិអូរដា ឃុំស្វាយទាប ស្រុកចំការលើ ខេត្តកំពង់ចាម ។ ក្នុងនោះបងប្អូនប្រជាពលរដ្ឋបានស្នើសុំ និងសំណូមពរចំនូន០៣ចំនុច ហើយក្រុមការងាររាជរដ្ឋាភិបាលចុះមូលដ្ឋានឃុំស្វាយទាប បានដោះស្រាយជូនប្រជាពលរដ្ឋបានទាំងអស់ ។ ក្នុងនោះមានការចូលរួមពីរក្រុមការងារចុះជួយឃុំ រដ្ឋបាលស្រុក អង្គភាពពាក់ពន្ឋ័ រដ្ឋបាលឃុំ អាជ្ញាធរភូមិនិងប្រជាពលរដ្ឋសរុបចំនួន៧៥នាក់ស្រី២៥នាក់ ។ឆ្លៀតក្នុងឱកាសនេះ ឯកឧត្តមក៏បានជម្រាបជូនពីការខិតខំប្រឹងប្រែងអភិវឌ្ឍន៍ប្រទេសជាតិ ការគិតគួរពីសុខទុក្ខ និងលើកស្ទួយពីជីវភាពរបស់បងប្អូនប្រជាពលរដ្ឋឲ្យកាន់តែប្រសើរឡើងរបស់រាជរដ្ឋបាលភិបាលនីតិកាលទី៧ នៃរដ្ឋសភានេះ ។