នៅព្រឹកថ្ងៃសៅរ៍ ទី៤ ខែមករា ឆ្នាំ២០២៥ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំមន្ទីរជំនាញ អាជ្ញាធរក្រុង អញ្ជើញចុះពិនិត្យវឌ្ឍនភាពសំណង់ប្រព័ន្ធប្រឡាយរំដោះទឹកភ្លៀងចេញពីក្រុងកំពង់ចាម ក្នុងគម្រោងអភិវឌ្ឍន៍របស់ធនាគារADB ស្ថិតនៅចំណុច (បឹងស្នាយ) ភូមិតាណេង សង្កាត់សំបូរមាស ក្រុងកំពង់ចាម។ ឯកឧត្តមអភិបាលខេត្តកំពង់ចាម បានជំរុញឲ្យមន្ត្រីជំនាញ សហការជាមួយអាជ្ញាធរក្រុង ធ្វើការត្រួតពិនិត្យតាមដានសំណង់ខាងលើនេះឲ្យបានជាប់ជាប្រចាំ ដើម្បីធានាបាននូវគុណភាព និងការប្រើប្រាស់បានគង់វង្សយូរអង្វែង៕

ក្នុងឱកាស អញ្ជើញជាអធិបតីភាពក្នុងកិច្ចប្រជុំ បូកសរុបលទ្ធផលការងារអប់រំ យុវជន និងកីឡាប្រចាំខែធ្នូ ឆ្នាំ២០២៤ និងលើកទិសដៅសម្រាប់អនុវត្តបន្ត ខែមករា ឆ្នាំ២០២៥ នៅមន្ទីរអប់រំ យុវជន និងកីឡា ខេត្តកំពង់ចាម នាព្រឹកថ្ងៃទី០៣ ខែមករា ឆ្នាំ២០២៥ លោកជំទាវ ប៉ាង ដានី អភិបាលរងខេត្ត បានផ្តល់អនុសាសន៍សំខាន់ៗ ៨ចំណុច ដើម្បីឱ្យវិស័យអប់រំនៅខេត្តកំពង់ចាម មានការរីកចម្រើន។ លោកជំទាវ ប៉ាង ដានី មានប្រសាសន៍ថា ដើម្បីឱ្យវិស័យអប់រំនៅខេត្តកំពង់ចាម មានការរីកចម្រើន ត្រូវមានយុទ្ធសាស្រ្ត និងការអនុវត្តដែលផ្ដោតសំខាន់ៗដូចខាងក្រោម៖១.ការពង្រឹងគុណភាពគ្រូបង្រៀន២.ការពង្រឹងការអនុវត្តកម្មវិធីសិក្សា៣.ការផ្ដល់ភាពស្មើភាពក្នុងការចូលរួមអនុវត្តក្នុងសាលារៀន ៤.ការយកចិត្តទុកដាក់លើសេវាកម្មបរិក្ខារ៥.ការបង្កើតកិច្ចសហប្រតិបត្តិការជាមួយអង្គភាពពាក់ព័ន្ឋ និងអាជ្ញាធរ៦.ការលើកទឹកចិត្តលោកគ្រូ អ្នកគ្រូស្រាវជ្រាវ និងបង្កើតភាពច្នៃប្រឌិត៧.ការអប់រំតម្លៃសីលធម៌ និងការចូលរួមក្នុងសង្គមនិងទី ៨.ប្រព័ន្ធត្រួតពិនិត្យ តាមដាន និងវាយតម្លៃការងារ។ បើតាមរបាយការណ៍របស់ លោក លី ម៉េងសាន ប្រធាន មន្ទីរអប់រំ យុវជន និងកីឡា ខេត្តកំពង់ចាម បានឲ្យដឹងថា វិស័យអប់រំ ក្នុងឆ្នាំសិក្សា២០២៤-២០២៥នេះ មានគ្រឹះស្ថានសិក្សាសរុបចំនួន៨៩២កន្លែង ក្នុងនោះ មត្ដេយ្យដាច់ […]

(កំពង់ចាម) មន្ត្រីសុខាភិបាលខេត្តកំពង់ចាម នៅថ្ងៃទី ០១ ខែ មករា ឆ្នាំ ២០២៥ នេះ បានបន្តបេសកកម្មរបស់ខ្លួនចុះអប់រំផ្សព្វផ្សាយការថែទាំសុខភាពជូនប្រជាពលរដ្ឋតាមសហគមន៍ក្នុងក្រុងកំពង់ចាម។ តាមមន្ត្រីសុខាភិបាលបានឲ្យដឹងថា ក្រុមការងារសុខាភិបាលខេត្តកំពង់ចាមបានចុះធ្វើការអប់រំសុខភាពតាមសហគមហ៍ និង សាលារៀន អំពីការការពារជំងឺមិនឆ្លង ដូចជា ការពារជំងឺលើសសម្ពាធឈាម , ការពារជំងឺទឹកនោមផ្អែម (ពិសារតិចអំបិល តិចខ្លាញ់ តិចស្ករ ) និង អប់រំផ្សព្វផ្សាយ ដាក់អាប៊ែត ទប់ស្កាត់ជំងឺគ្រុនឈាមផងដែរ។

(កំពង់ចាម)៖ យ៉ាងហោចណាស់មានភ្ញៀវទេសចរណ៍ជាតិ និងអន្តរជាតិ ជាង ១០ ម៉ឺននាក់ មកកំសាន្តក្នុងថ្ងៃទី ខែធ្នូឆ្នាំ ២០២៤ ក្នុងខេត្តកំពង់ចាម ដើម្បីចូលរួមកំសាន្តនិងឆ្លងចូលឆ្នាំ២០២៥ នេះ ។ បើតាម លោក ស៊ាន សុគុន ប្រធានមន្ទីរទេសចរណ៍ខេត្តកំពង់ចាមបានឲ្យដឹងថា ក្នុងថ្ងៃឆ្លងឆ្នាំសកលនេះ មានភ្ញៀវជាតិចំនួន ១០៦,៦៦២នាក់ និងភ្ញៀវអន្តរជាតិចំនួន ១៧០នាក់ មកចូលរួមកំសាន្តនៅក្នុងតំបន់រមណីយដ្ឋាននានា ក្នុងភូមិសាស្ត្រខេត្តកំពង់ចាម។ លោកប្រធានមន្ទីរបានបញ្ជាក់ផងដែរថា ក្នុងដំណើរកំសាន្តរបស់ព្យាជាតិនិងអន្តរជាតិក្នុងថ្ងៃឆ្លងឆ្នាំសកលនេះ គឺសមត្ថកិច្ចបានរក្សាសន្តិសុខ សុវត្ថិភាព សណ្ដាប់ធ្នាប់បានល្អ ដែលធ្វើឲ្យភ្ញៀវទេសចរណ៍មកកំសាន្តសប្បាយរីករាយ ដោយគ្មានបញ្ហាអ្វីកើតឡើងគួរឲ្យកត់សម្គាល់នោះទេ ៕

(កំពង់ចាម)៖ មន្ទីរព័ត៌មានខេត្តកំពង់ចាម នៅព្រឹកថ្ងៃទី៣០ ខែធ្នូ ឆ្នាំ២០២៤ បានរៀបចំកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅបន្តឆ្នាំ២០២៥ ក្រោមអធិបតីភាព ឯកឧត្តម ជា ក្រូច អនុរដ្ឋលេខាធិការក្រសួងព័ត៌មាន និងទទួលបន្ទុកសម្របសម្រួលការងារ មន្ទីរព័ត៌មានខេត្តកំពង់ចាម ។ លោកស្រី សម ផល្លា ប្រធានមន្ទីរព័ត៌មាន បានឲ្យដឹងថា រយះពេលមួយឆ្នាំ២០២៤នេះ មន្ទីរបានឆ្លងកាត់នូវការលំបាកជាច្រើន ហើយក៏ទទួលបានជោគជ័យជាច្រើនផងដែរ ក្នុងការអនុវត្តការងារ ដែលថ្នាក់ដឹកនាំប្រគល់ជូន។ លោកស្រីប្រធានបន្តថា ទាំងអស់នេះគឺដោយសារមានកិច្ចសហការសាមគ្គីគ្នាបានយ៉ាងល្អនៅក្នុងការិយាល័យនីមួយៗចំណុះឲ្យមន្ទីរព័ត៌មាន ។ ក្នុងនោះផងដែរ ក្រុមការងារគ្រប់គ្រង តាមដានព័ត៌មាន និងសាធារណៈមតិរបស់មន្ទីរព័ត៌មានកំពង់ចាម ក៏ដើរតួរយ៉ាងសំខាន់ផងដែរ ដោយបានបំពេញភារកិច្ចជាច្រើនដោយមិនគិតពីពេលវេលាសម្រាកនោះទេ គឺត្រូវធ្វើការឆ្លើយតបភ្លាមៗ ទៅកាន់សាធារណៈជូន នូវព័ត៌មានដែលពិត មានប្រភពច្បាស់លាស់ និងគ្រប់ជ្រុងជ្រោយផងដែរ ។ ក្នុងឱកាសនោះដែរ ឯកឧត្តម ជា ក្រូច ក៏បានថ្លែងការកោតសរសើរចំពោះមន្ទីរព័ត៌មានខេត្តកំពង់ចាម ដែលបានចូលរួមយ៉ាងសកម្មក្នុងការងារផ្សព្វផ្សាយ ទាំងថ្នាក់ខេត្ត និងថ្នាក់ជាតិ ជាពិសេសបានបំពេញតួនាទីបានយ៉ាងល្អក្នុងនាម ជាសេនាធិការអោយក្រសួងព័ត៌មាន និងជាសេនាធិការអោយគណៈបញ្ជាការខេត្ត ដែលជាផ្នែកមួយ នៃការក្តាប់ព័ត៌មានឲ្យខេត្តរបស់ខ្លួន។ ឯកឧត្តម អនុរដ្ឋលេខាធិការ បន្តថា […]

កំពង់ចាម​:​ ឯកឧត្ដម​ អ៊ុន​ ចាន់ដា​ អភិបាល នៃគណៈខេត្តកំពង់ចាម​ និងជាប្រធានគណៈកម្មការគ្រប់គ្រងដីរដ្ឋថ្នាក់ខេត្ត បានសម្រេចធ្វើការបើកផ្លូវត្រង់ អនុលោមតាមប្លង់គោលបន្សល់ទុក ដើម្បីបម្រើប្រយោជន៍សាធារណៈ ក៏ដូចជាការដឹកជញ្ជូនកសិផល និងការងារបង្កបង្កើនផលរបស់ប្រជាពលរដ្ឋ នៅភូមិអូរលើ ឃុំមេសជ្រៃ ស្រុកស្ទឹងត្រង់​ ជំនួសមកវិញបិទផ្លូវ ប្រឡាយបំបែក (ប្រឡាយលោក) ដោយផ្លូវដែលបិទនេះឱ្យប្រជាពលរដ្ឋអ្នកកាន់កាប់ ធ្វើការចរចាគ្នាអំពីការបែងចែក ឬសងសំណងជាថវិកាតែម្តង។​ កិច្ចប្រជុំសម្របសម្រួលករណីដីបើកផ្លូវនេះ ត្រូវ​បានធ្វើឡើង​នាព្រឹកថ្ងៃចន្ទ ទី​៣០​ ខែធ្នូ​ ឆ្នាំ​២០២៤នេះ នៅសាលាខេត្តកំពង់ចាម​។ ក្នុងកិច្ចប្រជុំនេះដែរ​ ឯកឧត្ដម​ អ៊ុន​ ចាន់ដា​ អភិបាលខេត្តកំពង់ចាម​ បានថ្លែងថា​ ករណីទំនាស់ស្នើសុំបើកផ្លូវប្រឡាយចំនួន ២ខ្សែ​ខាងលើនេះ​ ដែលកាន់កាប់ដោយលោកស្រី លួន បូរី (ផ្លូវប្រឡាយត្រង់) លោកស្រី លឹម មុយជូ និងលោក ជីវ លីស្រួយ (ផ្លូវ ប្រឡាយបំបែក ឬប្រឡាយលោក) ត្រូវបានប្រជាពលរដ្ឋ ១២គ្រួសារ ធ្វើការប្តឹងមករដ្ឋបាលខេត្ត ហើយត្រូវបានប្រគល់ ភារកិច្ចជូនឯកឧត្តម ស្រី សុភ័ក្ត្រ […]

(កំពង់ចាម)ក្រុមការងារសុខាភិបាលខេត្តកំពង់ចាម នៅថ្ងៃទី ២៧ ខែធ្នូឆ្នាំ ២០២៤នេះ បានចុះធ្វើការអប់រំសុខភាពតាមសហគមហ៍ និង សាលារៀន ក្នុងក្រុងកំពង់ចាម ។ មន្ត្រីសុខាភិបាលបានឲ្យដឹងថា ក្នុងការចុះផ្សព្វផ្សាយនោះ ក្រុមការងារបានពន្យល់ប្រជាពលរដ្ឋក្នុងសហគមន៍ អំពីការការពារជំងឺមិនឆ្លង ដូចជា ការពារជំងឺលើសសម្ពាធឈាម , ការពារជំងឺទឹកនោមផ្អែម (ពិសារតិចអំបិល តិចខ្លាញ់ តិចស្ករ ) និង អប់រំផ្សព្វផ្សាយ ដាក់អាប៊ែត ទប់ស្កាត់ជំងឺគ្រុនឈាម ។

(កំពង់ចាម) នៅថ្ងៃទី ២៧ ខែធ្នូ ឆ្នាំ ២០២៤ មន្ត្រីនៃរដ្ឋបាលស្រុកស្ទឹងត្រង់ពិរូប ត្រូវបានប្រកាសតែងតាំងជាអភិបាលរង នៃគណៈអភិបាលស្រុក។ វិធីនេះធ្វើឡើងនៅសាលាស្រុកស្ទឹងត្រង់ ក្រោមអធិបតីភាព ឯកឧត្តម ស្រី សុភ័ក្រ្ត អភិបាលរងខេត្តកំពង់ចាម តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ។ មន្ត្រីដែលត្រូវប្រកាសតែងតាំងជាអភិបាលរងស្រុក ពីរូបនោះគឺ លោក សយ តុលា នាយករដ្ឋបាលត្រូវបាន តែងតាំងជាអភិបាលរងនៃគណៈអភិបាលស្រុកស្ទឹងត្រង់ និងលោកស្រី សុខ សុវ៉ាន់នី នាយិការងរដ្ឋបាលត្រូវបាន តែងតាំងជាអភិបាលរងនៃគណៈអភិបាលស្រុក ។ ប្រកាសតែងតាំង មន្ត្រី២រូប ជាអភិបាលរង នៃគណៈអភិបាលស្រុកស្ទឹងត្រង់

(កំពង់ចាម) លោកជំទាវ ប៉ាង ដានី អភិបាលរងខេត្តកំេះង់ចាម ទទួលបន្ទុកវិស័យវប្បធម៌ និងវិចិត្រសិល្បៈខេត្ត រួមជាមួយលោកប្រធានមន្ទីរវប្បធម៌ និងវិចិត្រសិល្បៈខេត្ត នៅថ្ងៃទី ២៧ ខែធ្នូឆ្នាំ ២០២៤ នេះ បានអញ្ជើញចុះទទួលយករូបសំណាក់តំណាងព្រះនាងលក្ម្សីទេវី (សតវត្សទី១១ ) ដែលប្រជាពលរដ្ឋជីកកកាយដីបានប្រទះឃេីញ និងយករក្សាទុកនៅផ្ទះលោក ឆយ ស៊ីនាត និងលោកស្រី ហាក់ សុគន្ធារី នៅភូមិបុសចេកព្រៃ ឃុំស្វាយទាប ដើម្បីយកមករក្សាទុកនៅ សារៈមន្ទីរខេត្ត ។ តាមមន្ត្រីនៃមន្ទីរវប្បធម៌ខេត្តកំពង់ចាមឲ្យដឹងថា រូបសណាកនេះ សងពីថ្មភក់ ជីកកកាយដីប្រទះឃេីញនៅទួលយាយឡី ទំនប់៥កុម្ភៈ ភូមិថ្នល់បែកកេីត ឃុំស្វាយទាប ស្រុកចំការលើ ៕