កំពង់ចាម, នៅព្រឹកថ្ងៃទី១៨ ខែកញ្ញា ឆ្នាំ២០២៤ នេះ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត បានដឹកនាំក្រុមការងារ ចូលរួមជាមួយឯកឧត្តម យូ ស៊ុនឡុង ទេសរដ្ឋមន្ដ្រី រដ្ឋមន្ត្រីប្រតិភូអមនាយករដ្ឋមន្ត្រី អញ្ជើញដឹកនាំកិច្ចប្រជុំរៀបចំផែនការសន្តិសុខ សណ្តាប់ធ្នាប់ និងពិនិត្យទីតាំងរៀបចំប្រារព្ធពិធីសម្ពោធដាក់ឲ្យប្រើប្រាស់ជាផ្លូវការ អគារសិក្សា អគារធនធាន ផ្ទះគ្រូបង្រៀន និងសមិទ្ធផលនានា ក្នុងវិទ្យាល័យ ហ៊ុន សែន ពាមជីកង ស្ថិតក្នុងភូមិពាមជីកង ឃុំពាមជីកង ស្រុកកងមាស ខេត្តកំពង់ចាម ក្រោមអធិបធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលពិធីនេះនឹងប្រព្រឹត្តទៅនៅចុងខែកញ្ញា ឆ្នាំ២០២៤ ខាងមុខ ។

ស្រុកជើងព្រៃ៖ នៅព្រឹកថ្ងៃទី១៨ ខែកញ្ញា ឆ្នាំ២០២៤ លោក ជិន ហ៊ុំ អភិបាលរងស្រុកជើងព្រៃ តំណាងលោក ស៊ឹម គង់ អភិបាលស្រុកជើងព្រៃ បានដឹកនាំក្រុមការងារស្រុក ចុះសម្រុះសម្រួលបើកពង្រីកទំហំផ្លូវ ស្ថិតភូមិពង្រ ឃុំស្ដើងជ័យ ។ ដោយមានការចូលរួមពីក្រុមការងារថ្នាក់ស្រុក, ឃុំ និងក្រុមបច្ចេកទេសសាងសង់ផ្លូវជាលទ្ធផល៖១- អ័ក្សផ្លូវ ត្រូវបានកំណត់២- ម្ចាស់ដីជាប់ផ្លូវទងសងខាង មិនទាន់យល់ព្រម តាមតម្រូវការរបស់ក្រិមបច្ចេកសាងសង់ផ្លូវ៣ ដូច្នេះរដ្ឋបាលឃុំកំណត់បន្តការសម្រុះសម្រួល រសៀលថ្ងៃទី២០ ខែកញ្ញា ឆ្នាំ២០២៤ នៅសាលាឃុំស្ដើងជ័យ ។

ស្រុកព្រៃឈរ៖ នាព្រឹកថ្ងៃទី១៨ ខែកញ្ញា ឆ្នាំ២០២៤ នេះ ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម   និងឯកឧត្តម ខ្លូត ចិន្តា អភិបាលរងនៃគណ:អភិបាលខេត្តកំពង់ចាម ក្នុងឱកាសពិធីបុណ្យដាក់បិណ្ឌ នេះ បានអញ្ជើញនាំយកនូវទេយ្យវត្ថុ និងបច្ច័យ ប្រគេនព្រះសង្ឃ ដែលគង់ចាំព្រះវស្សា នៅវត្តសុវណ្ណពិជ័យរស្មីសង្កែ ស្ថិតនៅភូមិសង្កែ ឃុំព្រៃឈរ ស្រុកព្រៃឈរ ខេត្តកំពង់ចាម ដើម្បីឧទ្ទិសជូនបុព្វការីជន និងបុព្វវរ:ជនដែលពលីក្នុងបុព្វហេតុ ជាតិ សាសនា និងព្រះមហាក្សត្រ ពិសេសប្រជាពលរដ្ឋទូទាំងប្រទេស ដែលរងគ្រោះដោយសាជម្ងឺកូវិដ-១៩ ក្នុងពេលកន្លងទៅ សូមបានចំណែកនៃបុណ្យនេះស្នើៗគ្នា ក្នុងពិធីបុណ្យកាន់បិណ្ឌវេនទី១ ជាប្រពៃណីរបស់ខ្មែរយើង៕

នៅព្រឹកថ្ងៃអង្គារ ទី១៧ ខែកញ្ញា ឆ្នាំ២០២៤ ឯកឧត្តម គន់ សុភា អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានចូលរួមកិច្ចប្រជុំក្រុមការងារ ដើម្បីចុះសិក្សា និងពិនិត្យដោះស្រាយផលប៉ះពាល់នៃទីលានចាក់សំរាម ស្ថិតនៅភូមិទូរលើ ឃុំព្រែកពោធិ៍ ស្រុកស្រីសន្ធរ ក្រោមអធិបតីភាព ឯកឧត្តម សាបូ អូហ្សាណូ រដ្ឋលេខាធិការក្រសួង បរិស្ថាន ដោយមានចូលរួមពីមន្ត្រីជំនាយ និងអាជ្ញាធរមូលដ្ឋានស្រុកផងដែរ ៕

ឯកឧត្តម ខ្លូត ចិន្តា អភិបាលរងខេត្ដកំពង់ចាម បានអញ្ជើញចុះជូននូវអំណោយមនុស្សធម៌ដល់ ពុកម៉ែ មាមីង បងប្អូន ប្រជាពលរដ្ឋ នៅវត្តព្រៃឈរចំនួន១៧គ្រួសារ ស្ថិតនៅភូមិព្រៃឈរ ស្រុកព្រៃឈរ៖ នាព្រឹកថ្ងៃទី១៧ ខែកញ្ញា ឆ្នាំ២០២៤ ឯកឧត្តម ខ្លូត ចិន្តា អភិបាលរងខេត្ត តំណាងឯកឧត្តមអភិបាលនៃគណ:អភិបាលខេត្ត បានអញ្ជើញចុះជូននូវអំណោយមនុស្សធម៌ដល់ ពុកម៉ែ មាមីង បងប្អូន ប្រជាពលរដ្ឋ នៅវត្តព្រៃឈរចំនួន១៧គ្រួសារ ស្ថិតនៅភូមិព្រៃឈរ និងក្នុងវត្តសង្កែចំនួន១៨គ្រួសារ ស្ថិតនៅភូមិសង្កែ ភូមិសេកយំ ភូមិជ្រេស ឃុំព្រៃឈរ ស្រុកព្រៃឈរ ខេត្តកំពង់ចាម ចំនួន៣៥ គ្រួសារ ដោយ០១គ្រួសារទទួលបាន អង្គរ មី ទឹកត្រី ស្ករស អំបិល ប៊ីចេង នំបុ័ង និងថវិកាម្នាក់១០,០០០រៀល ។ក្នុងនោះបានប្រគេននូវស៊ីម៉ងចំនួន៥តោន ដល់ព្រះគ្រូចៅអធិកាវត្តព្រៃឈរ ជូនថវិកា និងនំបុ័ង ដល់អាចារ្យ គណ:កម្មការ និងពុទ្ធបរិស័ទចជើងវត្តទាំងពីរ និងមន្ត្រីប៉ុស្តិ៍រដ្ឋបាល និងប្រជាការពារភូមិផងដែរ ។