(តៃនិញ) ដើម្បីពង្រឹងកិច្ចសហប្រតិបត្តិការ និងរិតចំណងសម្ព័ន្ធមេត្រីភាព រវាងខេត្តកំពង់ចាម នៃព្រះរាជាណាចក្រកម្ពុជា និងខេត្តតៃនិញ នៃសាធារណៈរដ្ឋសង្គមនិយមវៀតណាម នៅថ្ងៃទី១៥ ខែមករា ឆ្នាំ២០២៥ នេះ ឯកឧត្តម ស្រី សុភ័ក្ត្រ អភិបាលរង តំណាងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និង ឯកឧត្តម កែវ នាឬទ្ធិ សមាជិកក្រុមប្រឹក្សាខេត្ត បានដឹកនាំប្រភូខេត្ត ចូលរួមតាមការអញ្ជើញរបស់គណៈកម្មាធិការប្រជាជន ខេត្តតៃនិញ ដើម្បីប្រារព្ធពិធីអបអសាទរឆ្នាំថ្មី ឆ្នាំសកល ២០២៥ និងចូលឆ្នាំថ្មីប្រពៃណីជាតិ វៀតណាម ដែលប្រារព្ធធ្វើឡើងនៅទីរួមខេត្តតៃនិញ។ ពិធីនេះក៏មានការអញ្ជើញចូលរួមដ៏ខ្ពង់ខ្ពស់របស់ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងឯកឧត្ដម លោកជំទាវ សមាជិក សមាជិក ព្រឹទ្ធសភា រដ្ឋសភា សមាជិកក្រុមប្រឹក្សាខេត្ត ឯកឧត្តម អភិបាល នៃគណៈអភិបាលខេត្ត ស្វាយរៀង ព្រៃវែង និងត្បួងឃ្មុំ ថ្នាក់ដឹកនាំខេត្ត ក្រុង […]

(កំពង់ចាម) មន្ត្រីសុខាភិបាលនៃរដ្ឋបាលខេត្តកំពង់ចាម នៅថ្ងៃទី ១៤ ខែមករា ឆ្នាំ២០២៥ នេះ បានបន្តចុះអប់រំផ្សព្វផ្សាយនិងដាក់អាល់ប៊ែត ទប់ស្កាត់ជំងឺគ្រុនឈាម នៅតាមសហគមន៍ ក្នុងក្រុងកំពង់ចាម។ មន្ត្រីសុខាភិបាលបានឲ្យដឹងថា ដោយអនុវត្តតាមកាលណែនាំរបស់ ឯកឧត្តម អ៊ុន ចាន់ដាអ ភិបាលនៃគណៈអភិបាលខេត្តកំពង់ចាម ក្រុមការងារសុខាភិបាលខេត្តកំពង់ចាម បានបន្តចុះធ្វើការអប់រំសុខភាពតាមសហគមហ៍ និង សាលារៀន អំពីការការពារជំងឺមិនឆ្លង ដូចជា ការពារជំងឺលើសសម្ពាធឈាម , ការពារជំងឺទឹកនោមផ្អែម (ពិសារតិចអំបិល តិចខ្លាញ់ តិចស្ករ ) និង អប់រំផ្សព្វផ្សាយ ដាក់អាប៊ែត ទប់ស្កាត់ជំងឺគ្រុនឈាមផងដែរ ។

(កំពង់ចាម) ក្នុងសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅអនុវត្ត ការងារបន្តសម្រាប់ឆ្នាំ២០២៥ របស់រដ្ឋបាលខេត្តកំពង់ចាម នៅព្រឹកថ្ងៃទី ១៤ ខែមករា ឆ្នាំ ២០២៥ ឯកឧត្តម អ៊ុន ចាន់ដា អភិបាលខេត្ត បានសម្ដែងនូវការកោតសរសើរ និងវាយតម្លៃខ្ពស់ ចំពោះកម្លាំងប្រដាប់អាវុធ និងមន្ត្រីគ្រប់លំដាប់ថ្នាក់ ដែលបានបំរើសេវាសាធារណៈជូនប្រជាពលរដ្ឋបានល្អប្រសើរក្នុងឆ្នាំ ២០២៤ កន្លងទៅ ។ ឯកឧត្តមអភិបាលខេត្ត បានមានប្រសាសន៍ថា ក្នុងនាមរដ្ឋបាលខេត្តកំពង់ចាម ខ្ញុំសូមសម្ដែងការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់កងកម្លាំងប្រដាប់អាវុធទាំង៣ប្រភេទ, មន្ទីរ-អង្គភាពជុំវិញខេត្ត, រដ្ឋបាលក្រុង-ស្រុក, ឃុំ-សង្កាត់, ព្រមទាំងសមត្ថកិច្ចពាក់ព័ន្ធ ដែលបានសហការគ្នាបំពេញការងារជាច្រើននៅឆ្នាំ២០២៤ ក្នុងការបំរើសេវាសាធារណៈជូនប្រជាពលរដ្ឋ ការខិតខំរួមចំណែកថែរក្សាសន្តិភាព ស្ថិរភាពនយោបាយ សន្តិសុខ សណ្ដាប់សាធារណៈនៅក្នុងភូមិសាស្ត្រខេត្តកំពង់ចាម បានយ៉ាងល្អប្រសើរ រួមទាំងការជំរុញការអភិវឌ្ឍសេដ្ឋកិច្ច និងសង្គម ទៅតាមកម្មវិធីនយោបាយគោលនយោបាយរបស់រាជរដ្ឋាភិបាលសំដៅលើកកម្ពស់ជីវភាពរស់នៅរបស់ប្រជាពលរដ្ឋ។ ឯកឧត្តមអភិបាលខេត្ត ក៏បានកោតសរសើរ និងអបអរសាទរចំពោះកិច្ចខិតខំប្រឹងប្រែងរបស់មន្ត្រីរាជការ, ថ្នាក់ដឹកនាំគ្រប់លំដាប់ថ្នាក់, កងកម្លាំងប្រដាប់អាវុធ, មន្ទីរ-អង្គភាពជុំវិញខេត្ត, រដ្ឋបាលក្រុង-ស្រុក, ឃុំ-សង្កាត់ក្នុងកិច្ចខិតខំរួមគ្នាសម្រេចបានក្នុងការអនុវត្តកម្មវិធីកំណែទម្រង់ដែលបានកំណត់នៅក្នុងយុទ្ធសាស្ត្របញ្ចកោណ ដំណាក់កាលទី១របស់រាជរដ្ឋាភិបាល។ក្នុងនោះស្នាដៃ និងសមិទ្ធផលដែលបានកើតចេញពីការខិតខំព្រមៗគ្នារបស់មន្ត្រីរាជការ និងថ្នាក់ដឹកនាំគ្រប់ថ្នាក់ ជាពិសេសមានការចូលរួមពីបងប្អូនប្រជាពលរដ្ឋ ដែលនាំឱ្យសម្រេចបាននូវសមិទ្ធផលធំៗលើគ្រប់វិស័យ ទាំងនយោបាយ […]

តបតាម អនុសាសន៍ និងបទបញ្ជាររបស់ របស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពខេត្តកំពង់ចាម ក្នុងការថែរក្សា សន្តិសុខនិងសុវត្តិភាពជូនប្រជាពលរដ្ឋ មេបញ្ជាការអាវុធហត្ថខេត្ត លោក ឧត្តមសេនីយ៍ត្រី ថេង ឆេងលីម បានចាត់ កម្លាំងអាវុធហត្ថខេត្តកំពង់ចាមចុះល្បាត ធ្វើរដ្ឋបាលចំហរជារៀងរាល់ថ្ងៃ ។ ជាក់ស្ដែង ចាប់ពីម៉ោង២០និង០០នាទីថ្ងៃទី១៣ខែមករា២០២៥ ដល់ម៉ោង១និង០០នាទីព្រឹកឈានចូលថ្ងៃទី ១៤ ខែ មករា២០២៥ លោកឧត្តមសេនីយ៍ត្រី ថេង ឆេងលីម បានឲ្យដឹងថា កម្លាំងអាវុធហត្ថខេត្តកំពង់ចាម បានធ្វើសកម្មភាព ចេញល្បាត ធ្វើរដ្ឋបាលចំហចល័តតាមដងផ្លូវ កំណត់មុខសញ្ញាក្មេង ទំនើងបង្កចលាចល ផ្សេងៗ ក្នុងភូមិសាស្ត្រខេត្ត ។ ជាលទ្ធផល មិនមានករណីអ្វីគួរឲ្យកត់សម្គាល់នោះទេ ។ សូមបញ្ជាក់ថា កម្លាំងចេញល្បាតរបស់ អាវុធហត្ថខេត្ត បានចុះអនុវត្តជាបន្តបន្ទាប់ រហូតមក គឺដើម្បីរក្សាសន្តិសុខ សណ្តាប់ធ្នាប់សាធារណៈ ពិសេស ទប់ស្កាត់បញ្ហាបទល្មើសផ្សេងៗក្នុងភូមិសាស្ត្រខេត្តកំពង់ចាម ឲ្យបានកាន់តែល្អប្រសើរឡើងថែមទៀត ។

តបតាម អនុសាសន៍ណែនាំនិងបទបញ្ជារ របស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពខេត្តកំពង់ចាម ក្នុងការថែរក្សា សន្តិសុខនិងសុវត្តិភាពជូនប្រជាពលរដ្ឋ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាមបានឲ្យដឹងថា នាយប់ថ្ងៃទី១២ ខែមករា ឆ្នាំ២០២៥ កម្លាំងអន្តរាគមន៍ខេត្ត , កម្លាំងអន្តរាគមន៍អធិការដ្ឋាននគរបាលក្រុង-ស្រុក និងកម្លាំងតាមបណ្ដាប៉ុស្តិ៍នគរបាលរដ្ឋបាលដូចជា ប៉ុស្តិ៍នគរបាលរដ្ឋបាលសង្កាត់ទាំង ៤ ក្នុងក្រុងកំពង់ចាម ប៉ុស្តិ៍នគរបាលរដ្ឋបាលតាមបណ្ដាឃុំក្នុងស្រុកចំការលើ ស្រុកកោះសូទិន ស្រុកព្រៃឈរ ស្រុកស្ទឹងត្រង់ ស្រុកជើងព្រៃ ស្រុកស្រីសន្ធរ ស្រុកកងមាស និង ស្រុកកំពង់សៀម បានចុះធ្វើរដ្ឋបាលចំហ ល្បាត ត្រួតពិនិត្យ តាមដងផ្លូវ ពីសកម្មភាពបង្កដោយក្មេងទំនើង, ក្មេងដែលមានរូបសាក់លើដងខ្លួន បទល្មើសផ្សេងៗ ឆែកឆេរអាវុធជាតិផ្ទុះ និងល្បាតចល័តត្រួតពិនិត្យគោលដៅងាយរងគ្រោះនៅក្នុងភូមិសាស្រ្ត តាមបណ្ដាឃុំ សង្កាត់និង ក្រុង ស្រុកទាំងអស់ ។ ជាលទ្ធផល ពុំមានសកម្មភាពអ្វី គួរឲ្យកត់សម្គាល់នោះទេ ។ សូមបញ្ជាក់ថា កម្លាំងចេញល្បាតរបស់ អង្គភាពស្នងការដ្ឋាននគរបាលខេត្ត អធិការដ្ឋាននគរបាលស្រុក […]

កំពង់ចាម៖ នាព្រឹកថ្ងៃទី១២ ខែមករា ឆ្នាំ២០២៥នេះ សិស្សានុសិស្សចំនួន១៣០នាក់ ដែលកំពុងសិក្សារៀនសូត្រ នៅសាលាបឋមសិក្សាប៉ាក់ណាម ឃុំមហាលាភ ស្រុកកោះសូទិន ខេត្តកំពង់ចាម បានទទួលអំណោយជាសំភារៈសិក្សា និងថវិកាមួយចំនួន ផ្តល់ជូនដោយ ឯកឧត្តម ខៀវ កាញ្ញារីទ្ធ ឧត្តមក្រុមប្រឹក្សាផ្ទាល់ព្រះមហាក្សត្រ និងជាអ្នកតំណាងរាស្រ្តមណ្ឌលកំពង់ចាម និងលោកជំទាវ ខៀវ ទេព រង្ស៊ី កាញារីទ្ធ។ ឆ្លៀតក្នុងឱកាសនោះ ឯកឧត្តម បានថ្លែងថា ការនាំយកសៀវភៅមកតម្កល់ទុកនៅសាលាបឋមសិក្សាប៉ាក់ណាម គឺចង់កែប្រែបណ្ណាល័យប៉ាក់ណាម ទៅជាបណ្ណាល័យសហគមន៍ អាចឲ្យសិស្សដ៏ទៀតក្នុងស្រុកកោះសូទិន ទាំងមូលអាចចូលមកសិក្សា ក្រេបយកចំណេះដឹង សិក្សាស្រាវជ្រាវ និងជាឃ្លាំងប្រមូលផ្តុំដោយចំណេះ ជំនាញ ទៅថ្ងៃអនាគត់។ ឯកឧត្តម ក៏បានជំរុញទៅដល់ ចៅប្រុស ចៅស្រី ដែលកំពុងសិក្សារៀនសូត្រនៅសាលាបឋមសិក្សាប៉ាក់ណាម ឲ្យខិតខំ រៀនសូត្រ ប្រឹងប្រែង ព្យាយាមស្តាប់ការពន្យល់ របស់ លោកគ្រូ អ្នកគ្រូ ហើយធ្វើជាសិស្សល្អ កូនល្អក្នុងគ្រួសារ និងជាក្មេងល្អក្នុងសង្គម។ឯកឧត្តម ក៏បាន ណែនាំទៅដល់ចៅៗ ឲ្យចេះលាងសំអាតដៃមុនចាប់កាន់អាហារ ឧស្សាហ៍ដុសធ្មេញមុនចូលគេង […]

(កំពង់ចាម) កម្លាំងជំនាញការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្ត នៅថ្ងៃទី១១ ខែមករា ឆ្នាំ២០២៥ នេះ បានបង្ក្រាបបទល្មើសគ្រឿងញៀនមួយករណី ឃាត់ខ្លួនជនសង្ស័យ ៣នាក់ និងវត្ថុតាងមួយចំនួន ស្ថិតនៅក្នុងភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម ។ មន្ត្រីនគរបាលបានឲ្យដឹងថា ដោយមានការអនុញ្ញាតពីលោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម និងមានការឯកភាពពីលោក សេង រិទ្ធី ព្រះរាជអាជ្ញារង នៃអយ្យការអមសាលាដំបូងខេត្ត កម្លាំងជំនាញការិយាល័យប្រឆាំងគ្រឿងញៀនខេត្ត រួមជាមួយកម្លាំងជំនាញ នៃអធិការដ្ឋាននគរបាលស្រុកកំពង់សៀម ដឹកនាំដោយលោក ឧត្តមសេនីយ៍ត្រី ជីវ សេងរស់ ស្នងការរងទទួលផែនការងារប្រឆាំងគ្រឿងញៀន បានបេីកកិច្ចប្រតិបត្តិការចុះបង្ក្រាបករណី ជួញដូរ ដោយខុសច្បាប់នូវសារធាតុញៀនចំនួន ០១ករណី (ដោយប្រេីវិធានញុះញង់) សមត្ថកិច្ចយើងបានធ្វើការឃាត់ខ្លួនជនសង្ស័យបាន ចំនួន ០៣នាក់ដែលមានឈ្មោះនៅខាងក្រោម ១-ឈ្មោះ ជ្រុនហួច ភេទប្រុស អាយុ ៣៥ឆ្នាំ ជាតិខ្មែរ មុខរបរមិនពិតប្រាកដ មានទីលំនៅភូមិតុងរ៉ុង ឃុំតុងរ៉ុង ស្រុកព្រៃឈរ ខេត្តកំពង់ចាម ជាមុខសញ្ញាមានថ្នាំញៀនចំនួន ០១កញ្ចប់*។២-ឈ្មោះ ឡេង […]

(កំពង់ចាម) ប្រជាពលរដ្ឋម្នាក់ នៅអាយុ២៨ឆ្នាំ នៅភូមិ២២ ឃីចំការអណ្តូង ស្រុកចំការលើ បានឆ្លងជំងឺផ្ដាសាយបក្សីបណ្ដាលឲ្យស្លាប់ បន្ទាប់ពី កើតជំងឺនេះមួយសប្តាហ៍ នេះបើតាមការឲ្យដឹងពីលោកវេជ្ជបណ្ឌិត គីមសួរ ភីរុណ ប្រធានមន្ទីរសុខាភិបាលរដ្ឋបាលខេត្តកំពង់ចាម នៅថ្ងៃទី ១០ ខែមករា ឆ្នាំ ២០២៥។ លោកវេជ្ជបណ្ឌិត គឹមសួរ ភីរុណ បានឲ្យដឹងថា ប៉ុន្មានថ្ងៃកន្លងទៅនេះ បុរសម្នាក់ មានអាយុ ២៨ឆ្នាំ រស់ភូមិ២២ ឃុំចំការអណ្តូង នៅស្រុកចំការលើ មានជម្ងឺបន្ទាប់មកគាត់បានទៅសម្រាកព្យាបាលនៅមន្ទីរពេទ្យ មិត្តភាពខ្មែរសូវៀត ។ ក្នុងការសម្រាកព្យាបាលនោះ ក្រុមគ្រូពេទ្យនៃមន្ទីរពេទ្យមិត្តភាពខ្មែរសូវៀត បានធ្វើសំណាក រកឃើញថា បុរសនោះបានឆ្លងជំងឺផ្ដាសាយបក្សី ប៉ុន្តែដោយសារទុកជំងឺនេះមានសភាពធ្ងន់ធ្ងរ ធ្វើឱ្យគ្រូពេទ្យសង្គ្រោះលែងបាន ត្រូវបានបាត់បង់ជីវិត ក្រោយពេលសម្រាកព្យាបាលនៅមន្ទីរពេទ្យបានមួយសប្តាហ៍ ។ លោកវេជ្ជបណ្ឌិត បានឲ្យដឹងទៀតថា ក្រោយពីករណីខាងលើកើតឡើង នៅព្រឹកថ្ងៃទី ១០ ខែមករា ឆ្នាំ ២០២៥ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានណែនាំបញ្ជាឲ្យមន្ទីរអង្គភាព […]

(កំពង់ចាម)៖ មន្ត្រីបសុពេទ្យខេត្តកំពង់ចាម នៅថ្ងៃទី៩ ខែមករា ឆ្នាំ២០២៥ បានចុះចាក់វ៉ាក់សាំង ការពារជំងឺសត្វគោក្របី ជូនប្រជាពលរដ្ឋក្នុងភូមិសាស្ត្រស្រុកកំពង់សៀម ។ មន្ត្រីពេទ្យសត្វបានន័យដឹងថា លោក ហ៊ួត ប៊ុនសា មន្រី្ដការិយាល័យកសិកម្មធនធានធម្មជាតិ និងបរិស្ថានស្រុកកំពង់សៀម បានសហការជាមួយមន្ត្រីការិយាល័យផលិតកម្មបសុព្យាបាលខេត្តកំពង់ចាម បានចុះចាក់វ៉ាក់សាំងការពារជំងឺសារទឹកគោ ក្របី ជូនប្រជាពលរដ្ឋនៅក្នុងភូមិសាស្ត្រឃុំវិហារធំ ស្រុកកំពង់សៀម ។

កំពង់ចាម ៖ នៅក្នុងកិច្ចប្រជុំសាមញ្ញ លើកទី៨ អាណត្តិទី ៤ របស់ក្រុមប្រឹក្សាខេត្ត អភិបាលខេត្តកំពង់ចាម នាព្រឹកថ្ងៃទី ៩ ខែមករា ឆ្នាំ ២០២៥ នេះ ឯកឧត្ដម អ៊ុន ចាន់ដា បានដាក់បទបញ្ជា ឲ្យកម្លាំងសមត្ថកិច្ចពាក់ព័ន្ធ មានវិធានការបង្ក្រាបក្មេងទំនើងឲ្យបានមឺងម៉ាត់បំផុត ។ ឯកឧត្តមអភិបាលខេត្តបានថ្លែងថា បញ្ហាក្មេងទំនើងនៅចុងឆ្នាំ ២០២៤ កន្លងទៅនេះ ឃើញថាមានការកក្រើកឡើងវិញ ដូច្នេះសមត្ថកិច្ចយើងចាំបាច់ត្រូវតែអនុវត្តច្បាប់ ចំពោះសកម្មភាពក្មេងទំនើងមានបូជាការបំពងសំឡេងរំខាន ការបង្ហោះម៉ូតូតាមទីសាធារណៈ ជាដើម ត្រូវតែអនុវត្តតាមវិធានការរដ្ឋបាល ។ ឯកឧត្តមអភិបាលខេត្តបានបញ្ជាក់ថា បញ្ហាបង្ក្រាបក្មេងទំនើងនេះ សូមឱ្យសមត្ថកិច្ចបន្តបង្ក្រាបយ៉ាងក្តៅកគុកមិនដកដៃទេ និងសូមកុំធ្វើកិច្ចការនេះដូចជាការវែកចក ឬការអង្គុយបក់ផ្សែងនោះឡើយ ៕