កំពង់ចាម៖ នាព្រឹកថ្ងៃទី២៩ ខែកញ្ញា ឆ្នាំ២០២៤ លោក ប៉ូ រ៉ាវុធ អភិបាលរង នៃគណៈអភិបាលស្រុកស្ទឹងត្រង់ តំណាងលោក បាន ស្រេង អភិបាល នៃគណៈអភិបាលស្រុកស្ទឹងត្រង់ បានអមដំណើរលោកជំទាវ កុល ធារិន តំណាងរាស្រ្តមណ្ឌលកំពង់ចាម អញ្ជើញដាក់បិណ្ឌនៅវត្តគិរីវនរាមស្ទឹងត្រង់ លោកជំទាវបានចូលបច្ច័យកសាងចំនួន ៤០០,០០០រៀល។ លោកជំទាវបានអញ្ចើញបន្តដាក់បិណ្ឌនៅវត្តស្រែអំពៅព្រមទាំងចូលបច្ច័យកសាងចំនួន ៥០០,០០០រៀល បច្ច័យធម្មទេសនាចំនួន៥០,០០០រៀល និងឧបត្ថម្ភប្រជាការពារចំនួន៩០,០០០រៀល សរុបថវិការចំនួន ១,០៤០,០០រៀល។

កំពង់ចាម៖ នាព្រឹកថ្ងៃទី២៩ កញ្ញានេះ ត្រូវនឹងថ្ងៃអាទិត្យ ១២រោច ខែភទ្របទ ឆ្នាំរោងឆស័ក ពុទ្ធសករាជ ២៥៦៨ ឯកឧត្តមបណ្ឌិត ម៉ា ឈឿន តំណាងរាស្ត្រមណ្ឌលកំពង់ចាម ជាអនុប្រធានគណៈកម្មការទី៣នៃរដ្ឋសភា អនុប្រធានក្រុមការងារគណបក្សចុះមូលដ្ឋានខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកជើងព្រៃ និងសហការី ព្រមទាំងពុទ្ធបរិស័ទ បានបន្តអញ្ជើញចូលរួមពិធីបុណ្យកាន់បិណ្ឌវេនទី១២ នៅវត្តចំនួន៤ ស្ថិតក្នុងឃុំចំនួន២ នៃស្រុកជើងព្រៃ ខេត្តកំពង់ចាម ដូចខាងក្រោម៖១-ឃុំខ្នុរដំបងចំនួន ២វត្ត ស្ថិតនៅក្នុងបរិយាកាសប្រកបដោយសេចក្ដីជ្រះថ្លាក្រៃលែងនៃពិធីឆ្លងកាន់បិណ្ឌវេនទី១២ នៃពិធីបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិរបស់ខ្មែរយើង ដែលមានតាំងពីបុរាណកាលមក។ ក្នុងនាឱកាសនោះ ឯកឧត្តមបណ្ឌិតប្រធាន បានអញ្ជើញបូជា ទៀន ធូប ផ្កា ភ្ញី និងគ្រឿងសក្ការៈដ៏ឧត្តមខ្ពង់ខ្ពស់ ថ្វាយព្រះរតនត្រ័យ ព្រះពុទ្ធ ព្រះធម៌ និងព្រះសង្ឃ និងមួយអន្លើថ្វាយវត្ថុសក្ដិសិទ្ធក្នុងលោក ទេព្តាអភិបាលរក្សាទីអារាមវត្តទាំងបួន និងឧទ្ទិសជូនចំពោះលោកអ្នកមានគុណ មានមាតា និងបិតា ពិសេសបុព្វបុរស វិរៈជន កម្មាភិបាល និងយុទ្ធជនស្នេហាជាតិ។ ក្នុងកិច្ចប្រកបដោយកុសលផលបុណ្យនេះដែរ ឯកឧត្តមបណ្ឌិត សហការី ព្រមទាំងប្រជាពុទ្ធបរិស័ទ ក៏បានអញ្ជើញប្រារព្ធកិច្ចវេប្រគេនចង្ហាន់ […]

ផ្ទះមនុស្សធម៌ខេត្តកំពង់ចាមទី២៣រួចរាល់១០០%ហើយ នៅជយោ ស្រុកចំការលើ ខេត្ដកំពង់ចាម__ស្រុកចំការលើ ៖នៅរសៀលថ្ងៃទី២៩ ខែកញ្ញាឆ្នាំ២០២៤ ឯកឧត្ដម ស្រី សុភ័ក្ត្រ អភិបាលរងខេត្កកំពង់ចាម និងជាលេខាធិការសាខាកាកបាទក្រហមកម្ពុជាខេត្តកំពង់ចាម និងលោក ទូច ឆៃ បានអញ្ជើញដឹកនាំក្រុមការងារប្រតិបត្តិផ្ទះមនុស្សខេត្ដកំពង់ចាម ចុះពិនិត្យ និងវាយតម្លៃការរសាងសង់ផ្ទះមនុស្សធម៌ទី២៣ ជូនដល់ប្រជាពលរដ្ឋក្រីក្រគ្មានទីពឹងរស់នៅភូមិត្រពាំងឫស្សី ឃុំជយោ ស្រុកចំការលើ ខេត្ដកំពង់ចាម ខណៈ បច្ចុប្បន្ននេះបានសម្រេចរួចរាល់១០០%ហេីយ ។

ក្រុមសមាជិកព្រឹទ្ធសភាប្រចាំភូមិភាគទី២ ជួបសំណេះសំណាលជាមួយក្រុមប្រឹក្សាឃុំ ស្មៀនឃុំ នាយប៉ុស្តិ៍នគរបាលឃុំ និងអាជ្ញាធរស្រុកស្រីសន្ធរ ខេត្តកំពង់ចាម កំពង់ចាម៖ នាព្រឹកថ្ងៃសៅរ៍ទី២៨ខែកញ្ញា ឆ្នាំ២០២៤ នេះ ឯកឧត្ដម ហេង វណ្ណនី អភិបាលរងខេត្ដ តំណាងដ៏ខ្ពង់ខ្ពស់ ឯកឧត្ដម អ៊ុន ចាន់ដា​ អភិបាលខេត្ដកំពង់ចាម បានអញ្ជើញចូលរួមពិធីសំណេះសំណាលជាមួយសមាជិកក្រុមប្រឹក្សាឃុំស្រុកស្រីសន្ធរ ក្រោមអធិបតីភាព ឯកឧត្តម អ៊ុច បូររិទ្ធ អនុប្រធានទី២ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី២ ពិធីនេះប្រព្រឹត្តទៅនៅសាលាស្រុកស្រីសន្ធរ ខេត្ដកំពង់ចាម ។

កំពង់ចាម៖ នៅរសៀលថ្ងៃសៅរ៍១១រោច ខែភទ្របទ ឆ្នាំរោង​ ឆស័ក ពុទ្ធសករាជ ២៥៦៨​ ត្រូវនឹង​ ថ្ងៃទី២៨ ខែកញ្ញា ឆ្នាំ២០២៤​ លោក​ បាន​ ស្រេង​ អភិបាល​ នៃគណៈអភិបាលស្រុកស្ទឹងត្រង់ ​ និងមន្ត្រីអមដំណើរ​ ព្រមទាំងសមាជិក​ក្រុមប្រឹក្សា​ឃុំពាមកោះស្នា បានចុះសួរសុខទុក្ខបងប្អូនប្រជាពលរដ្ឋដែលរងផលប៉ះពាល់ដោយទឹកជំនន់ទន្លេមេគង្គ ក្នុងនោះមាន៖១-ភូមិកោះកណ្ដាល ចំនួន២៣៦គ្រួសារ ជំលេសទៅទីទួលសុវត្ថិភាព១២គ្រួសារ២-ភូមិពាមក្រៅចំនួន ៥៦គ្រួសារ៣-ភូមិពាមក្នុងចំនួន ៩១ គ្រួសារ៤-ភូមិដីលើ ចំនួន ២៥៩ គ្រួសារ៥-ភូមិទួលរកា ចំនួន ៥៤៩ គ្រួសារ៧-ភូមិដីដុះ ចំនួន ១៥៤ គ្រួសារ៨-ភូមិព្រែកសង្កែកើត១៩៨ គ្រួសារសរុបរួម១៧១៥ គ្រួសារ ជំលេសទៅទីទួលសុវត្ថិភាពភ្នំស្គា(ភ្នំព្រែកសង្កែ) ចំនួន ១២គ្រួសារ ស្មើចំនួនមនុស្ស៥២នាក់ ។

ស្រុកស្ទឹងត្រង់៖ នៅព្រឹកថ្ងៃសៅរ៍ ១១ រោច ខែភទ្របទ ឆ្នាំរោង​ ឆស័ក ពុទ្ធសករាជ ២៥៦៨​ ត្រូវនឹងថ្ងៃទី២៨ ខែកញ្ញា ឆ្នាំ២០២៤​ លោក​ នួន​ ណុយ​ នាយករង​រដ្ឋ​បាល​ខេត្តកំពង់ចាម​ និងជា​អនុ​ប្រធាន​អចិន្ត្រៃយ៍​លេខាធិការដ្ឋានគណៈកម្មាធិការ​គ្រប់គ្រង​គ្រោះមហន្តរាយ​តំណាង​រដ្ឋ​បាល​ខេត្តកំពង់ចាម​ និងលោក​ បាន​ ស្រេង​ អភិបាល​ នៃគណៈអភិបាលស្រុក​ បាននាំយក​អំណោយ​របស់​ សម្ដេច​មហា​បវរ​ធិបតី​ ហ៊ុន​ ម៉ាណែត​ និងលោកជំទាវ​បណ្ឌិត​ ចែកជូនគ្រួសាររងផលប៉ះពាល់ដោយទឹកជំនន់ចំនួន33គ្រួសារ​ ស្ថិតនៅឃុំទួលព្រះឃ្លាំង ស្រុកស្ទឹងត្រង់ ខេត្ដកំពង់ចាម ។ ​នោះដែលអំណោយទទួលបានក្នុងមួយគ្រួសារៗទទួលបានរួមមានដូចជា៖-អង្ករ​ ចំនួន​50គីឡូ​-តង់​ ចំនួន1-កន្ទេល​ ចំនួន1-មុង​ ចំនួន1-មី​ ចំនួន1កេស-ទឹកសុីអុីវ​ ចំនួន​1យួរ-ត្រីខ​ ចំនួន​1យួរ-ធុងទឹក​ និងបោយ​ទឹក ចំនួន​១ផងដែរ ។

ស្រុកកោះសូទិន ៖ នៅព្រឹកថ្ងៃទី២៨ ខែកញ្ញា ឆ្នាំ២០២៤ ឯកឧត្តម សា ស៊ីថា អភិបាលរងខេត្ត តំណាងដ៏​ខ្ពង់​ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម អមដំណើរឯកឧត្តម ប៊ុន ហ៊ាន រដ្ឋលេខាធិការក្រសួងធនធានទឹក ចុះពិនិត្យ និងចូលរួមច្រកបាវខ្សាច់ដើម្បីទប់ច្រាំងទន្លេបាក់ស្រុត មានបណ្តោយប្រវែងជាង ៤០ម៉ែត្រ នៅភូមិដំណាក់ព្រីងលិច ឃុំមហាលាភ ស្រុកកោះសូទិន។ អាជ្ញាធរមូលដ្ឋានរួមជាមួយប្រជាពលរដ្ឋ ប្រមាណជាង១៤០នាក់ ក្នុងរយៈពេលពីថ្ងៃ ប្រើប្រាស់បាវខ្សាច់អស់ ២,២០០បាវខ្សាច់ រថយន្តដឹកខ្សាច់ចំនួន៧ទ្បាន និងទ្បានដឹកថ្ម ១ទ្បាន ១០គីប។

រដ្ឋបាលខេត្តកំពង់ចាម នាំយកទេយ្យវត្ថុ និងចង្ហាន់ប្រគេនព្រះសង្ឃ នៅវត្តសុទស្សនារាមជ្រោយថ្ម និងវត្តជោតនារាមបឹងកុក ស្ថិតក្នុងក្រុងកំពង់ចាម កំពង់ចាម៖ នៅព្រឹកថ្ងៃទី ២៨ ខែកញ្ញា ឆ្នាំ២០២៤ នេះ ឯកឧត្តម ខ្លូត ផន ប្រធានក្រុមប្រឹក្សាខេត្ត និងឯកឧត្ដម អ៊ុន ចាន់ អភិបាលខេត្តកំពង់ចាម ព្រមទាំងលោកជំទាវ ញូង ចរិយា បានដឹកនាំមន្ត្រី នាំយកទេយ្យវត្ថុ និងចង្ហាន់ទៅប្រគេនព្រះសង្ឃក្នុងថ្ងៃពិធីបុណ្យកាន់បិណ្ឌ វេនទី ១១ នៅវត្តសុទស្សនារាមជ្រោយថ្ម និងវត្តជោតនារាមបឹងកុក ក្នុងក្រុងកំពង់ចាម។ ទេយ្យវត្ថុ និងចង្ហាន់ ដែលបានវេប្រគេនជូនព្រះសង្ឃ នៅវត្តទាំងពីរខាងលើនោះ ក្នុង១វត្តៗ រួមមាន អង្គរទម្ងន់ ១០០ គីឡូក្រាម, ទឹកសុទ្ធ ៧កេស ,ទឹកក្រូច ៧កេស, ត្រីខ ១កេស, ទឹកត្រី ៥កេស, ទឹកស៊ីអ៉ីវ ៥កេស, មី ១កេសធំ , ទឹកដោះគោ ១កេសធំ […]

កំពង់ចាម៖ នៅព្រឹកថ្ងៃសុក្រ១០រោច ខែភទ្របទ ឆ្នាំរោងឆស័ក ពុទ្ធសករាជ ២៥៦៨ត្រូវនឹងថ្ងៃទី២៧ ខែកញ្ញា ឆ្នាំ២០២៤ លោក សុខ លឹមហៀងប្រធានមន្ទីរសាធារណៈការ និងដឹកជញ្ជូនខេត្តកំពង់ចាម  ប្រធានក្រុការងាររាជរដ្ឋាភិបាលចុះមូលដ្ឋានឃុំពាមកោះស្នានិងលោក អៀង ថៃហុង អភិបាលរងនៃគណៈអភិបាលស្រុក និងជាតំណាងដ៏ខ្ពង់ខ្ពស់របស់អភិបាលនៃគណអភិបាលស្រុកស្ទឹងត្រង់ បានអញ្ជើញបើកវេទិកាសាធារណៈនៅក្នុងឃុំពាមកោះស្នា ស្រុកស្ទឹងត្រង់ ខេត្ដកំពង់ចាម។ ក្នុងនោះដែលមានចូលរួមពីសំណាក់ប្រជាពលរដ្ឋចំនួន១០៥នាក់ នាក់។.បញ្ហាដែលប្រជាពលរដ្ឋលើកឡើងមានចំនួន១២បញ្ហា.ដោះស្រាយបាន៧បញ្ហា.សល់បញ្ហា ៥ ស្នើឡើងទៅមន្ទីរអង្គភាពផ្សេងៗ។