(កំពង់ចាម) ខណ្ឌរដ្ឋបាលជលផលកំពង់ចាម នៅថ្ងៃទី៣ ខែមករា ឆ្នាំ២០២៥ នេះ បានសហការជាមួយ អាជ្ញាធរស្រុកកងមាស ចុះត្រួតពិនិត្យ និងបង្រ្កាបបទល្មើសជលផល បានចំនួន ០១ករណី។ មន្ត្រីរដ្ឋបាលជលផលឲ្យដឹងថា ខណ្ឌរដ្ឋបាលជលផលកំពង់ចាម សហការជាមួយ អាជ្ញាធរស្រុកកងមាស អាជ្ញាធរឃុំស្តៅ កម្លាំងប៉ុស្តិ៍នគរបាលរដ្ឋបាលបាលស្តៅ និងមានការសម្របសម្រួលពីឯកឧត្តម វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល បានចំនួន ០១ករណីរួមមាន៖ រុះរើរបាំងផ្ចិតព្រែកចំនួន ០៥កន្លែង សរុបប្រវែង ៣៥ម៉ែត្រ បង្គោលចម្រឹង ៦៤ដើម លបឬស្សីចំនួន ០២គ្រឿងនៅចំណុចតាមដងព្រែកអន្លង់គគី ឃុំស្តៅ ស្រុកកងមាស ខេត្តកំពង់ចាម។ បន្ទាប់មក បន្តត្រួតពិនិត្យ និងបង្ក្រាបបទល្មើសក្នុងភូមិសាស្ត្រទន្លេ បឹង ព្រែក តាមបណ្តាលស្រុកក្នុងខេត្តកំពង់ចាម និងផ្សព្វផ្សាយដល់ប្រជានេសាទឈប់នេសាទដោយប្រើប្រាស់ឧបករណ៍ល្មើសច្បាប់។

(កំពង់ចាម) កម្លាំងកងរាជអាវុធហត្ថខេត្តកំពង់ចាម នៅថ្ងៃទី០២ ខែមករា ឆ្នាំ២០២៥ បានបើកប្រតិបត្តិការបង្កើតបទល្មើសគ្រឿងញៀនមួយករណី និងឃាត់ខ្លួនជនសង្ស័យ ៣នាក់ នៅចំណុចភូមិទី១ សង្កាត់វាលវង់ ក្រុងកំពង់ចាម ខេត្តកំពង់ចាម ។ បើតាមមន្ត្រីអាវុធហត្ថខេត្តឱ្យដឹងថា មុនឈានទៅដល់ការបង្ក្រាបបទល្មើសនេះ នៅវេលាម៉ោង ២០.៥០នាទីថ្ងៃដដែល កម្លាំងជំនាញមន្ទីរស្រាវជ្រាវ និង បង្ក្រាបបទល្មើស កងរាជអាវុធហត្ថខេត្តកំពង់ចាម សហការជាមួយកម្លាំងមូលដ្ឋាន កងរាជអាវុធហត្ថក្រុងកំពង់ចាម ចំនួន១០នាក់ រថយន្ត ០១គ្រឿង ម៉ូតូចំនួន ០៣គ្រឿង ដឹកនាំដោយ វរសេនីយ៍ទោ ឆាយ រ៉ង មេបញ្ជាការរងកងរាជអាវុធហត្ថខេត្តកំពង់ចាម និង ដោយមានការសម្របសម្រួលនីតិវិធីពីលោក តារា វិទូ ព្រះរាជអាជ្ញារង អមសាលាដំបូងខេត្តកំពង់ចាម បានចុះបង្ក្រាប ករណីជួញដូរដោយខុសច្បាប់នៅសារធាតុញៀន ឃាត់ខ្លួនជនសង្ស័យបានចំនួន ០៣នាក់÷១.ឈ្មោះ សុខ គឹមឡុង ភេទប្រុស អាយុ៣០ឆ្នាំ មុខរបរមិនពិតប្រាកដ រស់នៅភូមិទី៣ សង្កាត់វាលវង់ ក្រុងកំពង់ចាម ខេត្តកំពង់ចាម។២.ឈ្មោះ ខួយ សុធារ៉ា ភេទប្រុស […]

(កំពង់ចាម) កម្លាំងនគរបាល នៃអធិការដ្ឋាននគរបាលស្រុកព្រៃឈរ នៅថ្ងៃទី០២ ខែមករា ឆ្នាំ២០២៥ បានចុះប្រតិបត្តិការបង្ក្រាបបទល្មើសគ្រឿងញៀនមួយករណី និងឃាត់ខ្លួនជនសង្ស័យ ៦ នាក់នៅចំណុចផ្ទះរបស់ជនសង្ស័យ ស្ថិតនៅក្នុងភូមិដូនឡី ឃុំគរ ស្រុកព្រៃឈរ ខេត្តកំពង់ចាម ។ លោក ខេង ម៉េងឈុន ប្រធានគណ:បញ្ជាការឯកភាព ស្រុកព្រៃឈរបានឱ្យដឹងថា នៅថ្ងៃទី០២ ខែមករា ឆ្នាំ២០២៥ វេលាម៉ោង ១៤ និង ០០ នាទី នៅចំណុចផ្ទះរបស់ជនសង្ស័យ ស្ថិតនៅក្នុងភូមិដូនឡី ឃុំគរ ស្រុកព្រៃឈរ ខេត្តកំពង់ចាម ដោយមានការអនុញ្ញាតពីលោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម និងមានការឯកភាពពីលោក តារា វិទូ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម កម្លាំងជំនាញការិយាល័យប្រឆាំងគ្រឿងញៀនខេត្ត រួមជាមួយកម្លាំងជំនាញ នៃអធិការដ្ឋាននគរបាលស្រុកព្រៃឈរ ដឹកនាំដោយលោក ឧត្តមសេនីយ៍ត្រី ជីវ សេងរស់ ឋាន: ស្នងការរងទទួលផែនការងារប្រឆាំងគ្រឿងញៀន បានបេីកកិច្ចប្រតិបត្តិការចុះបង្ក្រាបករណី ជួញដូរ ដោយខុសច្បាប់នូវសារធាតុញៀនចំនួន ០១ករណី […]

(កំពង់ចាម) កម្លាំងនគរបាលនៃស្នងការដ្ឋាននគរបាលខេត្តកំពង់ចាម នៅថ្ងៃទី២ ខែមករា ឆ្នាំ២០២៥ បានធ្វើរដ្ឋបាលចំហ ល្បាត ត្រួតពិនិត្យ តាមដងផ្លូវ ពីសកម្មភាពបង្កដោយក្មេងទំនើង ក្មេងដែលមានរូបសាក់លើដងខ្លួន និងបទល្មើសផ្សេងៗ។ សូមបញ្ជាក់ថា នាយប់ថ្ងៃទី០២ ខែមករា ឆ្នាំ២០២៥ នោះកម្លាំងអន្តរាគមន៍ខេត្ត , កម្លាំងអន្តរាគមន៍អធិការដ្ឋាននគរបាលក្រុង-ស្រុក , និងកម្លាំងតាមបណ្ដាប៉ុស្តិ៍នគរបាលរដ្ឋបាលបានធ្វើកិច្ចការនេះរួមគ្នាតែម្តង នៅតាមភូមិសាស្ត្រគោលដៅនៃស្រុក ក្រុង របស់ខ្លួន ដែលជាលទ្ធផល មិនមានអ្វី គួរឲ្យកត់សម្គាល់នោះទេ។

(កំពង់ចាម) សមត្ថកិច្ចចម្រុះ នៅថ្ងៃទី២ ខែមករា ឆ្នាំ២០២៥ នេះ បានបង្ក្រាបបទល្មើសនេសាទមួយករណីនៅចំណុចទំនប់រលំពោធិ៍ ភូមិកំពង់សំណាញ់ ឃុំមៀន ស្រុកព្រៃឈរ ខេត្តកំពង់ចាម។ បើតាមអភិបាលស្រុកព្រៃឈរ លោក ខេង ម៉េងឈុន បានឲ្យដឹងថា ខណ្ឌរដ្ឋបាលជលផលកំពង់ចាម បានសហការជាមួយអាជ្ញាធរស្រុកព្រៃឈរ កម្លាំងកងរាជអាវុធហត្ថស្រុកព្រៃឈរ កម្លាំងអធិការដ្ឋាននគរបាលស្រុកព្រៃឈរ កម្លាំងផ្នែកសឹករងព្រៃឈរ កម្លាំងប៉ុស្តិ៍នគរបាលរដ្ឋបាលមៀន និងសហគមន៍នេសាទសាមគ្គីឃុំមៀន ដោយមានការសម្របសម្រួលពី ឯកឧត្តម វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល បានចំនួន ០១ករណី។ លោកអភិបាលស្រុកបានបញ្ជាក់ថាក្នុងប្រតិបត្តិការនោះ សមត្ថកិច្ចរឹបអរវត្ថុតាម រួមមាន៖-ឧករណ៍លូស្បៃមុងចំនួន ១៨មាត់ -របាំងស្បៃមុងប្រវែង ២៧០ម៉ែត្រ-បង្គោលចម្រឹងចំនួន ១៩៥ដើម និងបានចាក់លែងត្រីចម្រុះទម្ងន់ ៦៥គីឡូក្រាមផងដែរ ។

បន្ទាប់ពីអញ្ជើញចុះពិនិត្យវឌ្ឍនភាពនៃការសាងសង់អគារសាខាសមាគមអតីតយុទ្ធជនកម្ពុជា ខេត្តកំពង់ចាម នាព្រឹកថ្ងៃទី២ ខែមករា ឆ្នាំ២០២៥ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំក្រុមការងារអញ្ជើញចុះពិនិត្យវឌ្ឍនភាពនៃការសាងសង់អគារ ធ្វើការថ្មី នៃស្នងការដ្ឋាននគរបាលខេត្ត ដែលសំណង់ខាងលើសម្រេចការសាងសង់រួចរាល់១០០% ដោយគ្រោងនឹងដាក់សម្ពោធឲ្យប្រើប្រាស់ជាផ្លូវការនៅពេលឆាប់ៗខាងមុខ។

(កំពង់ចាម) នៅថ្ងៃទី ០១ ខែ មករាឆ្នាំ២០២៥ នេះ មានករណីភ្លើងឆេះកញ្ច្រាំងស្រូវ ស្ថិតនៅក្នុងភូមិប្រសំ ឃុំរអាង ស្រុកកំពង់សៀម ខេត្តកំពង់ចាម។ លោក ទុន ណេត អភិបាលស្រុកកំពង់សៀមបានឲ្យដឹងថា ករណីអគ្គីភ័យនេះ ក្រោយពេលទទួលបានព័ត៌មានភ្លាមលោកនាយប៉ុស្តិ៍នគរបាលរដ្ឋបាលរអាង បានរាយការណ៍ជូនលោកអធិការនគរបាលស្រុកកំពង់សៀម ភ្លាមនោះលោកអធិការនគរបាលស្រុកកំពង់សៀម បានចាត់កម្លាំងអន្តរាគមន៍សហការជាមួយកម្លាំងប៉ុស្តិ៍នគរបាលរដ្ឋបាលរអាង ចុះទៅពន្លត់ភ្លើងឆេះកញ្ច្រាំងស្រូវនៅដីស្រែ រហូតបានរលត់១០០% ផ្ទៃដីដែលឆេះនោះមានទំហំចំនួនប្រហែល ០៣ហិចតា ដោយពុំមានឆេះសម្ភារ: និងផ្ទះសម្បែងប្រជាពលរដ្ឋទេ ប្រើប្រាស់ទឹកអស់ចំនួន ០១ឡាន។

(កំពង់ចាម) ក្រុមការចង្អុលណែនាំ របស់ឯកឧត្តមអ៊ុន ចាន់ដា អភិបាលនៃគណៈអភិបាលខេត្តកំពង់ចាម កម្លាំងអាវុធហត្ថនៅទីបញ្ជាការដ្ឋានអាវុធហត្ថខេត្តកំពង់ចាម បានចុះល្បាត ក្នុងភូមិសាស្ត្រខេត្តកំពង់ចាម ដើម្បីរក្សាសន្តិសុខសុវត្ថិភាពជូនប្រជាពលរដ្ឋក្នុងឱកាសបុណ្យចូលឆ្នាំសកល ឆ្កងចូល ឆ្នាំ២០២៥ នេះ។ បើតាមមន្ត្រីអាវុធហត្ថបានឲ្យដឹងថា ចាប់ពីម៉ោង ២០”០០នាទីថ្ងៃទី៣១ ខែធ្នូ ឆ្នាំ ២០២៤ ដល់ម៉ោង២”០០ព្រឹកថ្ងៃទី១ ខែមករា ឆ្នាំ២០២៥ កម្លាំងនៅកងរាជអាវុធហត្ថខេត្ត បានធ្វើសកម្មភាពចេញល្បាត ដើម្បីការពារសន្តិសុខ រក្សាសុវត្ថិភាព និងសម្រួលចរាចរណ៍ ក្នុងឱកាសឆ្លងឆ្នាំសកល ឆ្នាំ២០២៥ ក្នុងភូមិសាស្ត្រខេត្ត ដើម្បីបង្កលក្ខណៈឲ្យប្រជាពលរដ្ឋបានសប្បាយរីករាយ ដោយគ្មានបញ្ហាអ្វីកើតឡើងគួរឲ្យកត់សម្គាល់នោះទេ ។

(កំពង់ចាម) មន្ត្រីនគរបាលនៃអធិការរដ្ឋាននគរបាលស្រុកកងមាស នៅថ្ងៃទី៣១ ខែធ្នូឆ្នាំ ២០២៤ នេះ បានចុះអនុវត្តនៃការឈានទៅឃាត់ខ្លួនជនសង្ស័យម្នាក់ ពាក់ព័ន្ធករណីបទមើលគ្រឿងញៀន នៅភូមិកងតាណឹងទី៥ ឃុំកងតាណឹង ស្រុកកងមាស។ លោក ភោគ សាវុធ អភិបាល នៃគណ: អភិបាលស្រុកកងមាស បានឱ្យដឹងថា នៅថ្ងៃទី៣១ ខែធ្នូ ឆ្នាំ២០២៤ វេលាម៉ោង០៩ និង៣០នាទី តាមបញ្ជាលោកវរសេនីយ៍ឯក ជា ជួន ឋានៈអធិការនគរបាលស្រុកកងមាស ចាត់ឲ្យ កម្លាំងផែនការងារប្រឆាំងគ្រឿងញៀននៃអធិការដ្ឋាននគរបាលស្រុកកងមាសដឹកនាំដោយលោក វរសេនីយ៍ទោ ជួ វុត្ថា ឋាន:អធិការរងទទួលផែនការងារប្រឆាំងគ្រឿងញៀនស្រុក និងកម្លាំងប៉ុស្តិ៍នគរបាលរដ្ឋបាលកងតាណឹង ចុះអនុវត្តដីកាបង្គាប់ឲ្យចាប់ខ្លួនជនសង្ស័យម្នាក់      ឈ្មោះ ទ្បេង វុទ្ធី ហៅទីន ភេទប្រុស អាយុ ២៥ឆ្នាំ ទីលំនៅភូមិកងតាណឹងទី៥ ឃុំកងតាណឹង ស្រុកកងមាស ខេត្តកំពង់ចាម ពីបទជួញដូរដោយខុសច្បាប់នូវសារធាតុញៀនប្រព្រឹត្តនៅចំការស្វាយភូមិកងតាណឹងទី៥ ឃុំកងតាណឹង ស្រុកកងមាស ខេត្តកំពង់ចាម អំទ្បុងខែវិច្ឆិកា  ឆ្នាំ២០២៣ តាមដីកាលេខ២៤៧ឆ-ព្រ ទចុះថ្ងៃទី ២១ខែកុម្ភះ ឆ្នាំ២០២៤ចេញដោយលោក […]

(កំពង់ចាម) សមត្ថកិច្ចនគរបាលនៃអធិការរដ្ឋាននគរបាលស្រុកបាធាយនៅថ្ងៃទី ៣១ ខែធ្នូឆ្នាំ ២០២៤ នេះ បានបង្ក្រាបបទល្មើសមួយករណីឃាត់ខ្លួនជនសង្ស័យពីរនាក់ពីបទចោរកម្ម នៅចំណុចភូមិជាលា ឃុំជាលា ស្រុកបាធាយ ខេត្តកំពង់ចាម ។ លោក អូត ឈាងលី អភិបាលនៃគណៈអភិបាលស្រុកបាធាយបានឲ្យដឹងថា នៅថ្ងៃកើតហេតុ វេលាម៉ោង៣.៣០នាទី លោកវរសេនីយ៍ឯក សំ ណាល់ អធិការអធិការដ្ឋាននគរបាលស្រុកបាធាយ បានដឹកនាំកំលាំងចុះល្បាតចល័តក្នុងភូមិសាស្រ្ដស្រុកបាធាយ លុះដល់ចំណុចកើតហេតុដូចខាងលើ ក៏បានប្រទះឃើញជនសង្ស័យចំនួន ២នាក់.ទី១.ឈ្មោះខន ខឿន ភេទប្រុស អាយុ ៤៧ឆ្នាំ, ទី២.ឈ្មោះឈាវ ស៊ីមន ភេទប្រុស អាយុ ៤៥ឆ្នាំ ទាំង២នាក់មានទីលំនៅភូមិតាអូកឃុំអារក្សជ័យ ស្រុកបាភ្នំខេត្តព្រៃវែង បានជិះម៉ូតូ១គ្រឿងម៉ាកហុងដា ពណ៌ខ្មៅសេរី ២០២១ ពាក់ផ្លាកលេខភ្នំពេញ 1IJ.1053 ដោយមានការសង្ស័យ សមត្ថកិច្ចយើងបានហៅសួរនាំ ទើបដឹងថា ជនសង្ស័យខាងលើបាន លួចទូរសព្ទ័ដៃ០១គ្រឿង ពីស្រុកកងមាសខេត្តកំពង់ចាម។ បច្ចុប្បន្នជនសង្ស័យទាំងពីរនាក់និងវត្ថុតាង សមត្ថកិច្ច បានប្រគល់ជូន នគរបាល នៃអធិការដ្ឋាននគរបាលស្រុកកងមាស ដើម្បីបន្តនិតិវិធី ៕