ស្រុកចំការលើ៖ ថ្ងៃទី៣០ ខែកញ្ញា ឆ្នាំ២០២៤ ឯកឧត្តម ខ្លូត ចិន្តា អភិបាលរងខេត្តកំពង់ចាម តំណាងឯកឧត្តម អ៊ុន ចាន់ ដាអភិបាលនៃគណៈអភិបាលខេត្តកំពង់ចាម និងលោក ហេង វុទ្ធី ស្នងការនគរបាលខេត្តកំពង់ចាម បាននាំយកថវិកា និងអំណោយរបស់ ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម ទៅសួរសុខទុក្ខមន្ត្រីនគរបាល ២រូបដែលបានរងរបួសក្នុងពេលចុះប្រតិបត្តិការបង្ក្រាបករណីគ្រឿងញៀន នៅភូមិត្រពាំងឬស្សី ឃុំជយោ ស្រុកចំការលើ ខេត្តកំពង់ចាមដែលកំពុងសម្រាកព្យាបាលនៅមន្ទីរពេទ្យបង្អែកស្រុកចំការលើ ដោយក្នុងម្នាក់ៗទទួលបាន អង្ករ៥០គីឡូ ទឹកត្រី០១យួរ ត្រីខកំប៉ុង០១យួរ ទឹកបរិសុទ្ធ០១កេស ទឹកក្រូច០១កេស និងថវិកាមួយចំនួនផងដែរ ។

គណះកម្មាធិការសាខា ខេត្តកំពង់ចាម បន្តសហការបិទវគ្គបណ្តុះបណ្តាលមូលដ្ឋាន ដល់យុវសិស្ស នៃវិទ្យាល័យហ៊ុនសែន ពាមជីកង ចំនួន ៥០នាក់ ដើម្បីក្លាយជា សមាជិកថ្មីនៃយុវជនកាកបាទក្រហមកម្ពុជា សាខា កក្រក ខេត្តកំពង់ចាម ៖ នៅរសៀល ថ្ងៃចន្ទទី៣០ ខែកញ្ញា ឆ្នាំ ២០២៤ នាសាលប្រជុំអនុសាខាស្រុក ក្រុមប្រតិបត្តិសាខា បានសហការ រៀបចំពិធីសំណេះសំណាល និង បំពាក់កន្សែង ជូនក្មួយ ៗ ជាយុវសិស្ស ចំនួន ៥0 នាក់ នៃ វិទ្យាល័យ ហ៊ុនសែន ពាមជីកង ដើម្បីក្លាយជាសមាជិកថ្មីនៃបណ្តាញយុវជនកាកបាទក្រហមកម្ពុជា បន្ទាប់ពី ក្មួយ ៗ បាន ឆ្លងកាត់វគ្គបណ្តុះបណ្តាលជាមូលដ្ឋាន រួចហើយ កាលពីសប្តាហ៍ទី៣ ខែកញ្ញា ឆ្នាំ ២០២៤ កន្លងទៅ ។ពិធីនេះ បានប្រព្រឹត្តទៅក្រោមអធិបតីភាព ឯកឧត្តម ស្រី សុភ័ក្ត្រ លេខាធិការសាខា តំណាងដ៏ខ្ពង់ខ្ពស់ ឯកឧត្តម […]

កំពង់ចាម៖ នាព្រឹកថ្ងៃទី២៩ ខែកញ្ញា ឆ្នាំ២០២៤ លោក ប៉ូ រ៉ាវុធ អភិបាលរង នៃគណៈអភិបាលស្រុកស្ទឹងត្រង់ តំណាងលោក បាន ស្រេង អភិបាល នៃគណៈអភិបាលស្រុកស្ទឹងត្រង់ បានអមដំណើរលោកជំទាវ កុល ធារិន តំណាងរាស្រ្តមណ្ឌលកំពង់ចាម អញ្ជើញដាក់បិណ្ឌនៅវត្តគិរីវនរាមស្ទឹងត្រង់ លោកជំទាវបានចូលបច្ច័យកសាងចំនួន ៤០០,០០០រៀល។ លោកជំទាវបានអញ្ចើញបន្តដាក់បិណ្ឌនៅវត្តស្រែអំពៅព្រមទាំងចូលបច្ច័យកសាងចំនួន ៥០០,០០០រៀល បច្ច័យធម្មទេសនាចំនួន៥០,០០០រៀល និងឧបត្ថម្ភប្រជាការពារចំនួន៩០,០០០រៀល សរុបថវិការចំនួន ១,០៤០,០០រៀល។

កំពង់ចាម៖ នាព្រឹកថ្ងៃទី២៩ កញ្ញានេះ ត្រូវនឹងថ្ងៃអាទិត្យ ១២រោច ខែភទ្របទ ឆ្នាំរោងឆស័ក ពុទ្ធសករាជ ២៥៦៨ ឯកឧត្តមបណ្ឌិត ម៉ា ឈឿន តំណាងរាស្ត្រមណ្ឌលកំពង់ចាម ជាអនុប្រធានគណៈកម្មការទី៣នៃរដ្ឋសភា អនុប្រធានក្រុមការងារគណបក្សចុះមូលដ្ឋានខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកជើងព្រៃ និងសហការី ព្រមទាំងពុទ្ធបរិស័ទ បានបន្តអញ្ជើញចូលរួមពិធីបុណ្យកាន់បិណ្ឌវេនទី១២ នៅវត្តចំនួន៤ ស្ថិតក្នុងឃុំចំនួន២ នៃស្រុកជើងព្រៃ ខេត្តកំពង់ចាម ដូចខាងក្រោម៖១-ឃុំខ្នុរដំបងចំនួន ២វត្ត ស្ថិតនៅក្នុងបរិយាកាសប្រកបដោយសេចក្ដីជ្រះថ្លាក្រៃលែងនៃពិធីឆ្លងកាន់បិណ្ឌវេនទី១២ នៃពិធីបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិរបស់ខ្មែរយើង ដែលមានតាំងពីបុរាណកាលមក។ ក្នុងនាឱកាសនោះ ឯកឧត្តមបណ្ឌិតប្រធាន បានអញ្ជើញបូជា ទៀន ធូប ផ្កា ភ្ញី និងគ្រឿងសក្ការៈដ៏ឧត្តមខ្ពង់ខ្ពស់ ថ្វាយព្រះរតនត្រ័យ ព្រះពុទ្ធ ព្រះធម៌ និងព្រះសង្ឃ និងមួយអន្លើថ្វាយវត្ថុសក្ដិសិទ្ធក្នុងលោក ទេព្តាអភិបាលរក្សាទីអារាមវត្តទាំងបួន និងឧទ្ទិសជូនចំពោះលោកអ្នកមានគុណ មានមាតា និងបិតា ពិសេសបុព្វបុរស វិរៈជន កម្មាភិបាល និងយុទ្ធជនស្នេហាជាតិ។ ក្នុងកិច្ចប្រកបដោយកុសលផលបុណ្យនេះដែរ ឯកឧត្តមបណ្ឌិត សហការី ព្រមទាំងប្រជាពុទ្ធបរិស័ទ ក៏បានអញ្ជើញប្រារព្ធកិច្ចវេប្រគេនចង្ហាន់ […]

ផ្ទះមនុស្សធម៌ខេត្តកំពង់ចាមទី២៣រួចរាល់១០០%ហើយ នៅជយោ ស្រុកចំការលើ ខេត្ដកំពង់ចាម__ស្រុកចំការលើ ៖នៅរសៀលថ្ងៃទី២៩ ខែកញ្ញាឆ្នាំ២០២៤ ឯកឧត្ដម ស្រី សុភ័ក្ត្រ អភិបាលរងខេត្កកំពង់ចាម និងជាលេខាធិការសាខាកាកបាទក្រហមកម្ពុជាខេត្តកំពង់ចាម និងលោក ទូច ឆៃ បានអញ្ជើញដឹកនាំក្រុមការងារប្រតិបត្តិផ្ទះមនុស្សខេត្ដកំពង់ចាម ចុះពិនិត្យ និងវាយតម្លៃការរសាងសង់ផ្ទះមនុស្សធម៌ទី២៣ ជូនដល់ប្រជាពលរដ្ឋក្រីក្រគ្មានទីពឹងរស់នៅភូមិត្រពាំងឫស្សី ឃុំជយោ ស្រុកចំការលើ ខេត្ដកំពង់ចាម ខណៈ បច្ចុប្បន្ននេះបានសម្រេចរួចរាល់១០០%ហេីយ ។

ក្រុមសមាជិកព្រឹទ្ធសភាប្រចាំភូមិភាគទី២ ជួបសំណេះសំណាលជាមួយក្រុមប្រឹក្សាឃុំ ស្មៀនឃុំ នាយប៉ុស្តិ៍នគរបាលឃុំ និងអាជ្ញាធរស្រុកស្រីសន្ធរ ខេត្តកំពង់ចាម កំពង់ចាម៖ នាព្រឹកថ្ងៃសៅរ៍ទី២៨ខែកញ្ញា ឆ្នាំ២០២៤ នេះ ឯកឧត្ដម ហេង វណ្ណនី អភិបាលរងខេត្ដ តំណាងដ៏ខ្ពង់ខ្ពស់ ឯកឧត្ដម អ៊ុន ចាន់ដា​ អភិបាលខេត្ដកំពង់ចាម បានអញ្ជើញចូលរួមពិធីសំណេះសំណាលជាមួយសមាជិកក្រុមប្រឹក្សាឃុំស្រុកស្រីសន្ធរ ក្រោមអធិបតីភាព ឯកឧត្តម អ៊ុច បូររិទ្ធ អនុប្រធានទី២ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី២ ពិធីនេះប្រព្រឹត្តទៅនៅសាលាស្រុកស្រីសន្ធរ ខេត្ដកំពង់ចាម ។

កំពង់ចាម៖ នៅរសៀលថ្ងៃសៅរ៍១១រោច ខែភទ្របទ ឆ្នាំរោង​ ឆស័ក ពុទ្ធសករាជ ២៥៦៨​ ត្រូវនឹង​ ថ្ងៃទី២៨ ខែកញ្ញា ឆ្នាំ២០២៤​ លោក​ បាន​ ស្រេង​ អភិបាល​ នៃគណៈអភិបាលស្រុកស្ទឹងត្រង់ ​ និងមន្ត្រីអមដំណើរ​ ព្រមទាំងសមាជិក​ក្រុមប្រឹក្សា​ឃុំពាមកោះស្នា បានចុះសួរសុខទុក្ខបងប្អូនប្រជាពលរដ្ឋដែលរងផលប៉ះពាល់ដោយទឹកជំនន់ទន្លេមេគង្គ ក្នុងនោះមាន៖១-ភូមិកោះកណ្ដាល ចំនួន២៣៦គ្រួសារ ជំលេសទៅទីទួលសុវត្ថិភាព១២គ្រួសារ២-ភូមិពាមក្រៅចំនួន ៥៦គ្រួសារ៣-ភូមិពាមក្នុងចំនួន ៩១ គ្រួសារ៤-ភូមិដីលើ ចំនួន ២៥៩ គ្រួសារ៥-ភូមិទួលរកា ចំនួន ៥៤៩ គ្រួសារ៧-ភូមិដីដុះ ចំនួន ១៥៤ គ្រួសារ៨-ភូមិព្រែកសង្កែកើត១៩៨ គ្រួសារសរុបរួម១៧១៥ គ្រួសារ ជំលេសទៅទីទួលសុវត្ថិភាពភ្នំស្គា(ភ្នំព្រែកសង្កែ) ចំនួន ១២គ្រួសារ ស្មើចំនួនមនុស្ស៥២នាក់ ។

ស្រុកស្ទឹងត្រង់៖ នៅព្រឹកថ្ងៃសៅរ៍ ១១ រោច ខែភទ្របទ ឆ្នាំរោង​ ឆស័ក ពុទ្ធសករាជ ២៥៦៨​ ត្រូវនឹងថ្ងៃទី២៨ ខែកញ្ញា ឆ្នាំ២០២៤​ លោក​ នួន​ ណុយ​ នាយករង​រដ្ឋ​បាល​ខេត្តកំពង់ចាម​ និងជា​អនុ​ប្រធាន​អចិន្ត្រៃយ៍​លេខាធិការដ្ឋានគណៈកម្មាធិការ​គ្រប់គ្រង​គ្រោះមហន្តរាយ​តំណាង​រដ្ឋ​បាល​ខេត្តកំពង់ចាម​ និងលោក​ បាន​ ស្រេង​ អភិបាល​ នៃគណៈអភិបាលស្រុក​ បាននាំយក​អំណោយ​របស់​ សម្ដេច​មហា​បវរ​ធិបតី​ ហ៊ុន​ ម៉ាណែត​ និងលោកជំទាវ​បណ្ឌិត​ ចែកជូនគ្រួសាររងផលប៉ះពាល់ដោយទឹកជំនន់ចំនួន33គ្រួសារ​ ស្ថិតនៅឃុំទួលព្រះឃ្លាំង ស្រុកស្ទឹងត្រង់ ខេត្ដកំពង់ចាម ។ ​នោះដែលអំណោយទទួលបានក្នុងមួយគ្រួសារៗទទួលបានរួមមានដូចជា៖-អង្ករ​ ចំនួន​50គីឡូ​-តង់​ ចំនួន1-កន្ទេល​ ចំនួន1-មុង​ ចំនួន1-មី​ ចំនួន1កេស-ទឹកសុីអុីវ​ ចំនួន​1យួរ-ត្រីខ​ ចំនួន​1យួរ-ធុងទឹក​ និងបោយ​ទឹក ចំនួន​១ផងដែរ ។