កំពង់ចាម ៖ នាព្រឹកថ្ងៃទី២៧ ខែឧសភា ឆ្នាំ២០២៤ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ទទួលជួបសម្ដែងការគួរសម ជាមួយក្រុមកីឡាបាល់ទះ នៃពុទ្ធិកសកលវិទ្យាល័យសម្តេចតេជោ ហ៊ុន សែន ដឹកនាំដោយលោក ម៉ន ញូដាលី សកលវិទ្យាធិការរង និងជាប្រធានប្រតិភូដឹកនាំក្រុមកីឡាករ។
![](https://kampongcham.gov.kh/wp-content/uploads/2024/05/photo_2024-05-27_19-26-19-3-1024x682.jpg)
![](https://kampongcham.gov.kh/wp-content/uploads/2024/05/photo_2024-05-27_19-26-19-1024x682.jpg)
គួរបញ្ជាក់ថា ក្រុមកីឡាបាល់ទះ នៃពុទ្ធិកសកលវិទ្យាល័យសម្តេចតេជោ ហ៊ុន សែន ទទួលជ័យលាភីលេខ១ ក្នុងការប្រកួតដណ្តេីមពាន់ង្វាន់ថ្នាក់ឧត្តមសិក្សា និងមធ្យមសិក្សាបច្ចេកទេសឆ្នាំ ២០២៤ ក្រោមប្រធានបទ “”កីឡាឌីជីថលគឺជាអនាគតរបស់យុវជន””។
![](https://kampongcham.gov.kh/wp-content/uploads/2024/05/photo_2024-05-27_19-26-19-6-1024x682.jpg)
ឯកឧត្តមអភិបាលខេត្ត ក៏បានជំរុញលេីកទឹកចិត្តបន្ថែមដល់ក្រុមកីឡាបាល់ទះ នៃពុទ្ធិកសកលវិទ្យាល័យសម្តេចតេជោ ហ៊ុន សែន អោយបន្តខិតខំចូលរួមគ្រប់សកម្មភាពប្រកួតកីឡាដណ្តេីមពាន់រង្វាន់ផ្សេងៗ និងលេីកស្ទួយវិស័យកីឡាឲ្យកាន់តែប្រសើរឡើង “កីឡារស់ក្នុងសន្តិភាព” ។
ក្នុងឱកាសនោះ ឯកឧត្តម អភិបាលខេត្ត ក៏បានផ្តល់ជាថវិកាលេីកទឹកចិត្តដល់ក្រុមកីឡាបាល់ទះ នៃពុទ្ធិកសកលវិទ្យាល័យសម្តេចតេជោ ហ៊ុន សែន ចំនួន ២លានរៀល និងប័ណ្ណសរសើរ ចំនួន១ ផងដែរ៕
![](https://kampongcham.gov.kh/wp-content/uploads/2024/05/photo_2024-05-27_19-26-19-5-1024x682.jpg)
![](https://kampongcham.gov.kh/wp-content/uploads/2024/05/photo_2024-05-27_19-26-20-1024x682.jpg)
![](https://kampongcham.gov.kh/wp-content/uploads/2024/05/photo_2024-05-27_19-26-20-2-1024x682.jpg)